கஞ்சா விற்பனை:  இளைஞர் கைது

கஞ்சாவை விற்பனை செய்ததாக,  இளைஞரை போலீஸார் கைது செய்தனர்.
பெங்களூரு தலகட்டபுரா வாஜரஹள்ளியைச் சேர்ந்தவர் பொன்னுசாமி (32).  இவர் தனது வீட்டில் கஞ்சா விற்பனை செய்து வந்தாராம்.
தகவலறிந்த போலீஸார் அங்கு சென்று பொன்னுசாமியைக் கைது செய்தனர். இவரிடம் இருந்து 3 கிலோ 200 கிராம் கஞ்சா, செல்லிடப்பேசி, மோட்டார் சைக்கிள் ஆகியன பறிமுதல் செய்யப்பட்டன.
இதுகுறித்து தலகட்டபுரா போலீஸார் வழக்குப் பதிந்து விசாரணை செய்து வருகின்றனர்.