2023-ஆம் ஆண்டை சா்வதேச சிறுதானியங்கள் ஆண்டாகக்கொண்டாட வேண்டும்: மத்திய இணையமைச்சா் ஷோபா கரந்தலஜே

2023-ஆம் ஆண்டை சா்வதேச சிறுதானியங்கள் ஆண்டாகக் கொண்டாட வேண்டும் என்று மத்திய வேளாண் துறை இணையமைச்சா் ஷோபா கரந்தலஜே தெரிவித்தாா்.

இது குறித்து பெங்களூரில் வெள்ளிக்கிழமை செய்தியாளா்களிடம் அவா் கூறியது:

கா்நாடகம், வேளாண்மையை வாழ்வாதாரமாகக் கொண்ட மாநிலம். எனவே, விவசாயிகளின் வருமானத்தை இரட்டிப்பாக்கத் திட்டம் வகுக்கப்பட்டுள்ளது. வேளாண்மை லாபகரமானதாக இல்லாததால், விவசாயிகள் வாழ்வாதாரத்தைத் தேடி நகரங்களுக்கு இடம்பெயா்கிறாா்கள். விவசாயிகளின் வாழ்க்கைத்தரத்தை மேம்படுத்துவதற்காக மத்திய அரசு பல்வேறு திட்டங்களை வகுத்துள்ளது.

வேளாண்மையின் அடிப்படைக் கட்டமைப்பு மேம்பாட்டு நிதிக்கு கூடுதலாக ரூ. 1 லட்சம் கோடி ஒதுக்கப்பட்டுள்ளது. அறுவடைக்குப் பிறகான வேளாண் நடவடிக்கைகளில் ஈடுபடுத்திக் கொள்வதற்கு இந்த நிதி பயன்படுத்தப்படும். வேளாண்மையில் கலப்புப் பயிா் சாகுபடி செய்யும் விவசாயிகளின் வருமானம் இரட்டிப்பாகியுள்ளது. அதனால், மாநிலத்தில் கலப்புப் பயிா் சாகுபடி முறையை ஊக்குவிக்க மத்திய அரசு திட்டம் வகுத்துள்ளது.

சிறுவிவசாயிகள் ஒன்று கூடி கூட்டு வேளாண்மைச் சங்கங்களை அமைக்க வேண்டும். முதல் கட்டமாக, சட்டப்பேரவை தொகுதிக்கு ஒரு கூட்டு வேளாண்மைச் சங்கங்களை அமைக்க வேண்டும். கா்நாடகத்தில் கூடுதலாக சா்க்கரை உற்பத்தி செய்யப்பட்டு வருகிறது. சா்க்கரையில் இருந்து எத்தனால் உற்பத்தி செய்ய இயலும். அதனால் சா்க்கரை உற்பத்திக்கு மத்திய அரசு முக்கியத்துவம் அளித்து வருகிறது.

2023-ஆம் ஆண்டை சா்வதேச சிறுதானியங்கள் ஆண்டாகக் கொண்டாட முன்மொழியப்பட்டுள்ளது. சிறுதானியங்களை வெளிநாடுகளுக்கு ஏற்றுமதி செய்யும் அளவுக்கு கா்நாடகத்தில் சிறுதானிய உற்பத்தி பெருக வேண்டும்.

ஆந்திர மாநிலத்தில் வேளாண்மை உத்தரவாத மையங்கள் உள்ளன. அதேபோல கா்நாடகத்திலும் தொடங்க வேண்டும். இதற்காக சிறப்புத் திட்டம் வகுக்கப்படும் என்றாா்.

அப்போது மாநில வேளாண் துறை அமைச்சா் பி.சி.பாட்டீல், தோட்டக்கலைத் துறை அமைச்சா் முனிரத்னா, விளையாட்டுத் துறை அமைச்சா் நாராயண கௌடா உள்ளிட்டோா் உடனிருந்தனா்.