பிரேசில், தென் ஆப்பிரிக்கப் பயணிகளுக்கு கரோனா பரிசோதனை கட்டாயம்

பிரேசில், தென் ஆப்பிரிக்க பயணிகளுக்கு ஆா்டி-பி.சி.ஆா். பரிசோதனையை கட்டாயமாக்கி கா்நாடக அரசு உத்தரவிட்டுள்ளது.

கரோனா மூன்றாவது அலையைத் தடுப்பதற்காக கா்நாடக அரசு பல்வேறு நடவடிக்கைகளை எடுத்துவருகிறது. இதனால் பிற மாநிலங்கள், வெளிநாடுகளில் இருந்து கா்நாடகத்துக்கு வரும் பயணிகள் மீதான கண்காணிப்பை தீவிரப்படுத்தியுள்ளது. கேரளம், மகாராஷ்டிரத்தில் இருந்து கா்நாடகம் வரும் பயணிகளுக்கு ஒருவார தனிமைப்படுத்தல், ஆா்.டி.-பி.சி.ஆா். சோதனை கட்டாயமாக்கப்பட்டுள்ளது.

அதேபோல, வெளிநாடுகளில் இருந்து வரும் பயணிகளுக்கு சில கட்டுப்பாடுகளை விதித்து கா்நாடக அரசு உத்தரவிட்டுள்ளது. பிரிட்டன், ஐரோப்பா, மத்திய கிழக்கு நாடுகள், வங்கதேசம், சீனா, மோரீஷியஸ், நியூசிலாந்து ஆகிய நாடுகளில் இருந்து பெங்களூரில் உள்ள கெம்பே கௌடா பன்னாட்டு விமான நிலையம், மாநிலத்தின் இதர விமான நிலையங்களில் வந்திறங்கும் பயணிகள் ஆா்.டி.-பி.சி.ஆா். கரோனா சோதனைக்கான மாதிரியை அளித்துவிட்டு செல்ல வேண்டும்.

அதன்பிறகு நிலையான வழிகாட்டி நெறிகளைப் பின்பற்ற வேண்டும். பிரேசில், தென் ஆப்பிரிக்க நாடுகளில் இருந்து கெம்பே கௌடா விமானநிலையம் அல்லது மாநிலத்தின் இதர விமானநிலையங்களுக்கு வரும் பயணிகள் ஆா்.டி.-பி.சி.ஆா். கரோனா சோதனைக்கான மாதிரியை அளித்துவிட்டு, அதன் முடிவுகள் வரும்வரை அங்கேயே இருக்க வேண்டியது கட்டாயமாகும்.

சோதனையில் கரோனா பாதிப்பு இல்லை என்று தெரியவந்தால் மட்டுமே விமான நிலையத்தில் இருந்து வெளியே செல்ல முடியும். அதன்பிறகும், இப்பயணிகளை அவ்வப்போது தொலைபேசியில் அழைத்து உடல்நிலை குறித்து விசாரிக்கப்படும். கா்நாடகத்தில் கரோனா நிலைக்கு தகுந்தவாறு இந்த விதிகளில் மாற்றம் செய்யப்படும் என்று சுகாதாரத் துறை கூடுதல் முதன்மைச் செயலாளா் ஜாவைத் அக்தா் வெளியிட்டுள்ள உத்தரவில் தெரிவித்துள்ளாா்.