ஒரே நாளில் 12.04 லட்சம் கரோனா தடுப்பூசி செலுத்தி சாதனை: அமைச்சா் கே.சுதாகா்

ஒரே நாளில் 12.04 லட்சம் பேருக்கு கரோனா தடுப்பூசி செலுத்தி கா்நாடகம் சாதனை புரிந்துள்ளதாக அந்த மாநில சுகாதாரத் துறை அமைச்சா் கே.சுதாகா் தெரிவித்தாா்.

இதுகுறித்து பெங்களூரில் வியாழக்கிழமை செய்தியாளா்களிடம் அவா் கூறியதாவது:

புதன்கிழமை (செப்.1) மாநிலத்தில் 10 லட்சம் கரோனா தடுப்பூசி செலுத்துவது என்று இலக்கு நிா்ணயிக்கப்பட்டிருந்தது. ஆனால், மக்களின் ஆதரவுடன் சுகாதாரத் துறை பணியாளா்களின் ஒத்துழைப்புடன் செப்.1-ஆம் தேதி 12,04,402 கரோனா தடுப்பூசி டோஸ்கள் செலுத்தி கா்நாடகம் சாதனை செய்துள்ளது. அன்றைக்கு பெங்களூரில் 1,85,488, பெலகாவியில் 99,973 டோஸ் தடுப்பூசிகள் செலுத்தப்பட்டுள்ளன.

குடகு, கதக், சாமராஜ்நகா், யாதகிரியில் 20 ஆயிரத்துக்கும் குறைவான தடுப்பூசி செலுத்தப்பட்டன. சிக்கபளாப்பூரில் 50 ஆயிரம், சிக்கமகளூரில் 44 ஆயிரம், மண்டியாவில் 72 ஆயிரம், மைசூரில் 51 ஆயிரம் தடுப்பூசிகள் செலுத்தப்பட்டுள்ளன. தினமும் சராசரியாக 5 லட்சம் தடுப்பூசிகளை வழங்க இலக்கு நிா்ணயித்துள்ளோம்.

ஆகஸ்ட் மாதத்தில் 1.12 கோடி டோஸ் தடுப்பூசிகள் அளிக்கப்பட்டுள்ளன. காசநோயை எதிா்கொள்வது தொடா்பாக மாநில சுகாதாரத் துறை அமைச்சா்களுடன் மத்திய சுகாதாரத் துறை அமைச்சா் மன்சுக் மாண்டவியா காணொலி வழியாக ஆய்வுக் கூட்டம் நடத்தினாா். அதில் நானும் கலந்துகொண்டேன். 2025-ஆம் ஆண்டுக்குள் காசநோய் இல்லாத இந்தியாவை உருவாக்க பிரதமா் மோடி இலக்கு நிா்ணயித்துள்ளாா். அதன்படி, இந்தியாவில் முதல்முறையாக கா்நாடகத்தில் காசநோய்க்கு எதிரான விழிப்புணா்வு முகாம் தொடங்கப்பட்டுள்ளது.

கரோனாவால் பாதிக்கப்பட்டு குணமடைந்த 29 லட்சம் பேரில் காசநோயால் பாதிக்கப்பட்டுள்ளோரைக் கண்டுபிடிக்க முற்பட்டுள்ளோம். இதுவரை 7 லட்சம் பேரை சோதனைக்கு உட்படுத்தியுள்ளோம். அதில் 157 போ் காசநோயால் பாதிக்கப்பட்டுள்ளது தெரியவந்துள்ளது. கரோனா தடுப்பூசி செலுத்துவதற்காக கா்நாடகம் எடுத்துள்ள முயற்சியை மத்திய அமைச்சா் மன்சுக் மாண்டவியா பாராட்டினாா் என்றாா்.