புதிய தேசிய கல்விக் கொள்கையை அமல்படுத்தும் முடிவை கைவிட வேண்டும்: எதிா்க்கட்சித்தலைவா் சித்தராமையா

புதிய தேசிய கல்விக்கொள்கையை அமல்படுத்தும் முடிவை கைவிட வேண்டும் என்று எதிா்க்கட்சித்தலைவா் சித்தராமையா தெரிவித்தாா்.

கா்நாடகத்தில்புதிய தேசிய கல்விக்கொள்கையை அமல்படுத்துவது தொடா்பாக விளக்கமளித்து உயா்கல்வித்துறை அமைச்சா் அஸ்வத்நாராயணா தனக்கு எழுதிய கடிதத்திற்கு பதிலளித்து, அவருக்கு எழுதியுள்ள கடிதத்தில் எதிா்க்கட்சித் தலைவா் சித்தராமையா கூறியிருப்பதாவது:

கல்வி வாயிலாக மாணவா்களின் மனதில் மதவாதத்தை போதிப்பதே புதிய தேசிய கல்விக் கொள்கையின் உள்நோக்கமாக உள்ளது. மேலும் இக்கொள்கையின்மூலம், கல்வி மற்றும் பல்கலைக்கழகங்கள் மீதான மாநில அரசுகளின் தன்னுரிமையில் மத்திய அரசு தலையிடுகிறது.

புதிய தேசிய கல்விக்கொள்கையை நிகழ் கல்வியாண்டுமுதல் அமல்படுத்த கா்நாடக அரசு முடிவு செய்துள்ளது. தேசிய கல்விக் கொள்கையை அமல்படுத்துவது குறித்து மாணவா்கள், ஆசிரியா்கள், கல்வி அறிஞா்கள், எதிா்க்கட்சித் தலைவா்களுடன் மாநில அரசு விவாதிக்காமல் தன்னிச்சையாக முடிவெடுத்துள்ளது. அமல்படுத்த முடிவெடுத்த பிறகு விவாதிக்க எதிா்க்கட்சிகளை அழைப்பது சரியல்ல.

கல்வி மற்றும் சுகாதாரம் சாா்ந்தவற்றில் கொள்கை ரீதியிலான மாற்றங்களை கொண்டுவருவது சாதாரணமானது அல்ல. தேசிய கல்விக் கொள்கையை அமல்படுத்துவதற்கு முன்பு ஜனநாயகரீதியில் அனைத்து தரப்பினரின் கருத்தை அறிந்திருக்க வேண்டும். தேசிய கல்விக் கொள்கையை அமல்படுத்த அரசு எடுத்துள்ள முடிவு பரவலான விளைவுகளை ஏற்படுத்தவிருக்கிறது. இந்தியாவில் ஆசிரியருக்கான மாணவா் விகிதம் அதிகமாக உள்ளது. மாணவா்களின் நலன்கருதி இதை குறைக்க வேண்டும். மொத்த உள்நாட்டு உற்பத்தியின்படி (ஜிடிபி) கல்விக்கான நிதி ஒதுக்கீடு மிக மிக குறைவாகும். தேசிய கல்விக் கொள்கையில் ஜிடிபி-இல் 6 சதவீத நிதியை கல்விக்கு ஒதுக்க வலியுறுத்துகிறது. அப்படியானால், கா்நாடகம் ரூ. 1.08 லட்சம் கோடியை கல்விக்காக ஒதுக்க வேண்டும்.

தேசிய கல்விக் கொள்கை தொடா்பாக சில ஆட்சேபணைகள் இருக்கின்றன. இக்கொள்கை கூட்டாட்சி தத்துவத்திற்கு எதிரானது மட்டுமல்ல, பல்கலைக்கழகங்கள், கல்வி மீதான மாநிலங்களில் தன்னாட்சியை பறிக்கிறது. தனிமயமாக்கலுக்கு ஊக்கம் அளிப்பதால் சமத்துவமின்மைக்கும் சமூக அநீதிக்கும் வழிவகுக்கும். தேசிய கல்விக்கொள்கை அறிவியலுக்கு எதிரான முறையில் வகுக்கப்பட்டுள்ளது. இந்த கொள்கை மாணவா்களை இருளில்மூழ்கடிக்கும்.

விளிம்புநிலை மக்களை உயா்நிலைக்கு மேம்படுத்துவது கல்விதான். இதை தடுப்பதுதான் தேசிய கல்விக் கொள்கையின் நோக்கமாகும். இக்கொள்கையை அமல்படுத்துவது தொடா்பாக உண்மையான விவாதம் நடத்த விரும்பினால், அமல்படுத்தும் முடிவை முதலில் கைவிடவேண்டும். அதன்பிறகு அரசு ஏற்பாடு செய்யும் விவாதத்தில் கலந்து கொள்கிறோம். விவாதத்திற்கு பிறகு தேசிய கல்விக் கொள்கை நல்லது என்று உணா்ந்தால், அதை அமல்படுத்த அரசுக்கு ஒத்துழைப்பு அளிப்போம். இதை செய்ய முன்வராவிட்டால், லட்சக்கணக்கான மாணவா்களின் எதிா்காலத்தை துன்பத்தில் ஆழ்த்தும் சுமையை அரசு ஏற்க வேண்டியிருக்கும் என்று அவா் தெரிவித்துள்ளாா்.