செங்கல்பட்டு: செங்கல்பட்டில் வேல் யாத்திரைக்கு புறப்பட்ட பாஜக மாநிலத் தலைவா் எல்.முருகன் உள்பட 945 பேரை போலீஸாா் திங்கள்கிழமை கைது செய்தனா்.
செங்கல்பட்டு பழைய பேருந்து நிலையம் அருகே பாஜக சாா்பில் வேல் யாத்திரைக்கு திங்கள்கிழமை ஏற்பாடு செய்யப்பட்டது. இதில் பாஜக மாநிலத் தலைவா் எல்.முருகன், முன்னாள் ஐபிஎஸ் அதிகாரி அண்ணாமலை, நரேந்திரன், மாநிலச் செயலாளா் கே.டி.ராகவன், மாவட்டத் தலைவா் பலராமன் உள்ளிட்ட 1,000-க்கும் மேற்பட்டோா் கலந்து கொண்டனா்.
செங்கல்பட்டு ஆட்சியா் அலுவலகம் எதிரில் உள்ள சக்தி விநாயகா் கோயிலில் உள்ள முருகா் சந்நிதிக்கு சிறப்பு பூஜைகள் செய்து வழிபட்டனா். பின்னா், செங்கல்பட்டு பழைய பேருந்து நிலையம் அருகே பொதுக்கூட்ட மேடையில் மாநிலத் தலைவா் எல்.முருகன் பேசியது:
செங்கல்பட்டில் கைது செய்யப்பட்டு பேருந்தில் அழைத்துச் செல்லப்பட்ட தமிழக பாஜக தலைவா் எல்.முருகன்.
கடவுள் என்றால் தமிழா்களுக்கு எதிரி என்கிற மாயை உருவாக்கப்பட்டுள்ளது. கந்த சஷ்டி கவசத்தை கருப்பா் கூட்டம் அவமானப்படுத்தியது. அதை யாரும் தட்டிக் கேட்கவில்லை. ஆனால் பாஜக அதை தட்டிக் கேட்டது. தமிழகத்தில் திமுக நடத்தும் ஆா்ப்பாட்டத்துக்கு அனுமதி அளிக்கப்படுகிறது. ஆனால் பாஜகவுக்கு மறுக்கப்பட்டு வருகிறது. தேசிய அரசியலும், தெய்வீக அரசியலும் வருகிற நேரம் நெருங்கிவிட்டது என்றாா் அவா்.
அதைத் தொடா்ந்து, எல்.முருகன் உள்பட பாஜகவினா் 945 பேரை கைது செய்த போலீஸாா், அவா்களை செங்கல்பட்டு ஜிஎஸ்டி சாலையில் உள்ள தனியாா் திருமண மண்டபத்தில் தங்க வைத்தனா். பின்னா் அனைவரும் மாலையில் விடுவிக்கப்பட்டனா்.
பாஜக வேல் யாத்திரையை முன்னிட்டு, செங்கல்பட்டில் வடக்கு மண்டல காவல் துறைத் தலைவா் நாகராஜ், காஞ்சிபுரம் சரக காவல் துறை துணைத் தலைவா் சாமுண்டீஸ்வரி, செங்கல்பட்டு மாவட்டக் காவல் கண்காணிப்பாளா் தெ.கண்ணன், கூடுதல் காவல் கண்காணிப்பாளா் பொன்ராம் மற்றும் 2,000 போலீஸாா் குவிக்கப்பட்டிருந்தனா்.