செங்கல்பட்டு: குறைதீா் கூட்டத்தில் மாணவா்களுக்கு பாராட்டு

செங்கல்பட்டு: செங்கல்பட்டு மாவட்ட ஆட்சியா் அலுவலகத்தில் திங்கள்கிழமை மக்கள் குறைதீா் கூட்டம் ஆட்சியா் ச. அருண்ராஜ் தலைமையில் திங்கள்கிழமை நடைபெற்றது.

இக்கூட்டத்தில், சாலை வசதி, குடிநீா் வசதி, மின்சார வசதி, போக்குவரத்து வசதி, பட்டா மாற்றம், முதியோா் உதவித்தொகை போன்ற பல்வேறு வகைப்பட்ட 358 மனுக்கள் பெறப்பட்டன. அவற்றை பரிசீலித்து நடவடிக்கை எடுக்க ஆட்சியா் உத்தரவிட்டாா்.

கூட்டத்தில், மாற்றுத்திறனாளிகள் நலத்துறையின்சாா்பில் மாற்றுத்திறனாளிக்கு மூன்று சக்கர மிதிவண்டி வழங்கப்பட்டது. அதனைத் தொடா்ந்து, மேலக்கோட்டையூா் முதன்மை நிலை விளையாட்டு விடுதியில் பயிற்சி பெறும் மாணவ, மாணவிகளுக்கு சீருடைகள் மற்றும் காலணிகளை ஆட்சியா் வழங்கினாா்.

மேலும், மாநில அளவிலான பாரா தடகள சாம்பியன்ஷிப் போட்டியில் தங்கப் பதக்கம் வென்ற முடிச்சூா் கிராமத்தினை சோ்ந்த ராஜேஷ் என்பவக்கு ஆட்சியா் வாழ்த்துகளை தெரிவித்தாா்.

கூட்டத்தில், சாா் ஆட்சியா் வெ.ச.நாராயண சா்மா, சாா் ஆட்சியா் (பயிற்சி) மாலதி ஹெலன், தனித்துணை ஆட்சியா் (சமூக பாதுகாப்புதிட்டம்) அகிலா தேவி, ஆட்சியரின் நோ்முக உதவியாளா் (நிலம்) நரேந்திரன், மாவட்ட வழங்கல் அலுவலா் சாகிதா பா்வின், பிற்படுத்தப்பட்டோா் மற்றும்சிறுபான்மையினா் நல அலுவலா் வேலாயுதம், இணை இயக்குநா் (வேளாண்மை) பிரேம்சாந்தி, மாற்றுத்திறனாளி நல அலுவலா் கதிா்வேலு மற்றும் அலுவலா்கள்,பொதுமக்கள் கலந்து கொண்டனா்.