இன்று சின்னத்திரை நடிகர் சங்கத் தேர்தல்

சென்னை, அக். 8: சின்னத்திரை நடிகர் சங்க நிர்வாகிகளுக்கான தேர்தல் சென்னையில் ஞாயிற்றுக்கிழமை (அக்டோபர் 9) நடைபெறுகிறது.

இதில் தலைவர் பதவிக்கு பானுபிரகாஷ், ராஜேந்திரன், சிவசீனிவாசன் ஆகியோர் போட்டியிடுகின்றனர்.

பானுபிரகாஷ் அணியில் துணைத் தலைவர் பதவிக்கு அபிஷேக், ஃபாத்திமா பாபு, பொதுச் செயலாளர் பதவிக்கு "பூவிலங்கு' மோகன், பொருளாளர் பதவிக்கு ஸ்ரீதர் ஆகியோர் போட்டியிடுகின்றனர். செயற்குழு உறுப்பினர் பதவிக்கு பிரேம், மேஜர் கெüதம், சாக்ஷி சிவா, விஜய் ஆதிராஜ், வெங்கட், பிரியதர்ஷினி, மீனாகுமாரி, சங்கீதா உள்ளிட்டோர் போட்டியிடுகின்றனர்.

ராஜேந்திரன் அணியில் துணைத் தலைவர் பதவிக்கு மனோபாலா, விஜய்பாபு, பொதுச் செயலாளர் பதவிக்கு ராஜ்காந்த் ஆகியோர் போட்டியிடுகின்றனர்.

சிவசீனிவாசன் அணியில் துணைத் தலைவர் பதவிக்கு பாபுகணேஷ், பொதுச் செயலாளர் பதவிக்கு பரத் கல்யாண் ஆகியோர் போட்டியிடுகின்றனர்.

விருகம்பாக்கத்தில் உள்ள ஏ.கே.ஆர். திருமண மண்டபத்தில் காலை 9 முதல் மாலை 5 மணி வரை வாக்குப் பதிவு நடைபெறுகிறது.