எம்.டி.சித்த மருத்துவம்: தகுதிப் பட்டியல் வெளியீடு

முதுநிலை சித்த மருத்துவ (எம்.டி) படிப்புக்கான தகுதிப் பட்டியல் வெளியிடப்பட்டுள்ளது.
அரசினர் சித்த மருத்துவக் கல்லூரி சென்னை மற்றும் பாளையங்கோட்டை ஆகியவற்றில் 2017 -2018-ஆம் கல்வியாண்டில் மூன்றாண்டு எம்.டி. சித்தா பட்டப் படிப்புக்கு மொத்தம் 94 இடங்கள் உள்ளன.
இப்படிப்புக்கு அகில இந்திய ஆயுஷ் முதுநிலை பட்டப்படிப்பு நுழைவுத் தேர்வு (ஏஐஐபிஜிஇடி) 2017-இல் தேர்ச்சி பெற்று தகுதி பெற்ற மாணவர்கள் மட்டுமே விண்ணப்பிக்க அனுமதிக்கப்பட்டனர். 
அக். 1-ஆம் தேதி முதல் 16-ஆம் தேதி வரை விண்ணப்பங்கள் இணையதளத்திலிருந்து பதிவிறக்கம் செய்யப்பட்டன. விண்ணப்பித்தவர்களில் தகுதியான 194 பேரின் தகுதிப்பட்டியல் சுகாதாரத் துறையின் www.tnhealth.org என்ற இணையதளத்தில் வெள்ளிக்கிழமை வெளியிடப்பட்டுள்ளது. கலந்தாய்வு தேதி விரைவில் அறிவிக்கப்படும் என்று அதிகாரிகள் தெரிவித்தனர்.