நாளை சென்னையில் 5 இடங்களில் அம்மா திட்ட முகாம்

சென்னை மாவட்டத்தில் வருவாய்த் துறை சார்பில் 5 வட்டங்களில் வெள்ளிக்கிழமை (ஏப்.20) அம்மா திட்ட முகாம் நடைபெறவுள்ளது.
சென்னையில் மாம்பலம், மயிலாப்பூர், தண்டையார்பேட்டை, பெரம்பூர், எழும்பூர் ஆகிய 5 வட்டங்களில் வெள்ளிக்கிழமை அம்மா திட்ட முகாம் நடைபெறவுள்ளது. இதில் பட்டா மாறுதல், முதியோர் ஓய்வூதியம் உள்ளிட்ட சமூக பாதுகாப்புத் திட்டங்கள், வருவாய்த் துறை மூலம் வழங்கப்படும் சான்றிதழ்கள் தொடர்பான கோரிக்கைகள் மீது தீர்வு காணப்படும்.