ஆர்.நல்லகண்ணுவிடம் ஸ்டாலின் ஆசி

சென்னை: இந்திய கம்யூனிஸ்ட் மூத்த தலைவர் ஆர்.நல்லகண்ணுவிடம் மு.க.ஸ்டாலினும், துரைமுருகனும் வியாழக்கிழமை ஆசி பெற்றனர்.
 திமுக தலைவராகத் தேர்வு செய்யப்பட்டுள்ள மு.க.ஸ்டாலின், பொருளாளர் துரைமுருகன் ஆகியோர் பல்வேறு கட்சிகளைச் சேர்ந்த மூத்த அரசியல் தலைவர்களைச் சந்தித்து வாழ்த்துகளைப் பெற்று வருகின்றனர். மார்க்சிஸ்ட் கம்யூனிஸ்ட் கட்சியின் மூத்த தலைவர் சங்கரய்யாவை அவருடைய இல்லத்தில் இருவரும் புதன்கிழமை சந்தித்து ஆசி பெற்றனர்.
இந்நிலையில், இந்திய கம்யூனிஸ்ட் மூத்த தலைவரான ஆர்.நல்லகண்ணுவை அவருடைய   இல்லத்தில் வியாழக்கிழமை இருவரும் சந்தித்து ஆசி பெற்றனர்.