திருவொற்றியூரில் கண்டன ஆர்ப்பாட்டம்

சென்னைத் துறைமுகம்-சென்னை எண்ணெய் சுத்திகரிப்பு ஆலை இடையே நடைபெற்று வரும் கச்சா எண்ணெய் குழாய் பதிக்கும் திட்டத்துக்கு எதிர்ப்புத் தெரிவித்து வடசென்னை கடலோர சுற்றுச்சூழல் பாதுகாப்பு சங்கம் சார்பில் திருவொற்றியூரில் வியாழக்கிழமை கண்டன ஆர்ப்பாட்டம் நடைபெற்றது.
தமிழ் மாநில காங்கிரஸ் மாநில செயலர் எஸ்.சுகுமார் தலைமையில் நடைபெற்ற இந்த ஆர்ப்பாட்டத்தில் சுற்றுச் சூழல் பாதுகாப்பு சங்க நிர்வாகிகள், கோ.சு.மணி, வழக்குரைஞர் ரமேஷ் சந்தர், கே.ஆர்.சிவகுமார் உள்ளிட்ட 500-க்கும் மேற்பட்டோர் கலந்து கொண்டனர். விடுதலைச் சிறுத்தைகள் மாநில துணைப் பொதுச் செயலர் வன்னியரசு, திரைப்பட இயக்குனர் கெளதமன் ஆகியோரும் பங்கேற்றனர்.