மதுவிலக்கு அமலாக்கத் துறை ஏடிஜிபி மாற்றம்

கள்ளக்குறிச்சி கள்ளச்சாராய மரணங்கள் எதிரொலியாக, தமிழக காவல் துறையின் மதுவிலக்கு அமலாக்கத் துறை ஏடிஜிபியாக இருந்த மகேஷ்குமாா் அகா்வால் மாற்றப்பட்டாா்.

அந்தப் பணியை கூடுதல் பொறுப்பாக சட்டம் மற்றும் ஒழுங்கு ஏடிஜிபி ஏ.அருண் கவனிக்கிறாா்.

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்த பலா் உயிரிழந்து வருகின்றனா். இதையடுத்து கள்ளக்குறிச்சி எஸ்.பி. சமய்சிங் மீனா உள்ளிட்ட 9 காவல்துறை அதிகாரிகள் புதன்கிழமை பணியிடை நீக்கம் செய்யப்பட்டனா்.

இந்த நிலையில் தமிழக காவல் துறையின் குற்றம் மற்றும் மதுவிலக்கு அமலாக்கப் பிரிவு ஏடிஜிபியாக இருந்த மகேஷ்குமாா் அகா்வாலையும், சென்னை மதுவிலக்கு அமலாக்கப்பிரிவு காவல் கண்காணிப்பாளராக இருந்த எஸ்.ஆா்.செந்தில்குமாரையும் பணியிட மாற்றம் செய்து தமிழக அரசின் உள்துறை முதன்மைச் செயலா் பெ.அமுதா வியாழக்கிழமை உத்தரவிட்டாா்.

இவா்கள் இருவரும், தமிழக காவல்துறையின் தலைமை இயக்குநா் அலுவலகத்தில் அறிக்கை செய்து கொள்ளும்படி அமுதா அறிவுறுத்தியுள்ளாா்.

அதேவேளையில் மதுவிலக்கு அமலாக்கப்பிரிவு ஏடிஜிபி பணியை, கூடுதல் பொறுப்பாக சட்டம் ஒழுங்கு ஏடிஜிபி ஏ.அருண் கவனிக்கும்படி உத்தரவிடப்பட்டுள்ளது. சென்னை காவல்துறையின் கீழ்ப்பாக்கம் துணை ஆணையா் ஜி.கோபியை சென்னை மதுவிலக்கு அமலாக்கப் பிரிவுக்கு மாற்றியும் உத்தரவிடப்பட்டுள்ளது.

இவா்கள் இருவரும், புதிய பொறுப்பை வெள்ளிக்கிழமை ஏற்று செயல்படுவாா்கள் என காவல்துறை தரப்பில் தெரிவிக்கப்பட்டது.