தங்கம் பவுனுக்கு ரூ.40 உயா்வு

சென்னையில் ஆபரணத் தங்கத்தின் விலை திங்கள்கிழமை பவுனுக்கு ரூ.40 உயா்ந்து ரூ. 53,600-க்கு விற்பனையானது.

சென்னையில் கடந்த சில நாள்களாக ஆபரணத் தங்கத்தின் விலை ஏற்ற இறக்கமாக இருந்து வருகிறது. இதில் கடந்த சனிக்கிழமை தங்கம் விலை ஒரே நாளில் பவுனுக்கு ரூ.680 குறைந்து ரூ. 53,560-க்கு விற்பனையான நிலையில் திங்கள்கிழமை தங்கம் விலை சற்று உயா்ந்தது.

அதன்படி, ஆபரணத் தங்கத்தின் விலை கிராமுக்கு ரூ.5 உயா்ந்து ரூ.6,700-க்கும், பவுனுக்கு ரூ.40 உயா்ந்து ரூ. 53,600-க்கும் விற்பனையானது.

இதற்கிடையே, வெள்ளி விலை கிராமுக்கு 30 காசுகள் குறைந்து ரூ. 96.20-க்கும், கட்டி வெள்ளி (ஒரு கிலோ) ரூ. 300 குறைந்து ரூ. 96,200-க்கும் விற்பனையானது.