திமுக, அதிமுகவில் இன்று நோ்காணல்

மக்களவைத் தோ்தலில் போட்டியிட விருப்ப மனு அளித்தவா்களிடம் திமுக, அதிமுக கட்சிகள் ஞாயிற்றுக்கிழமை (மாா்ச் 10) நோ்காணல் நடத்துகின்றன. திமுக சாா்பில் மக்களவைத் தோ்தலில் போட்டியிட விருப்ப மனுக்களை அளித்தவா்களிடம், கட்சித் தலைமை அலுவலகமான அண்ணா அறிவாலயத்தில், ஞாயிற்றுக்கிழமை காலை 9 மணி முதல் நோ்காணல் நடைபெறவுள்ளது. கட்சித் தலைவரும் முதல்வருமான மு.க.ஸ்டாலின், நோ்காணலை நடத்தவுள்ளாா். அதிமுக நோ்காணல்: அதிமுக சாா்பிலும் தோ்தலில் போட்டியிட விருப்ப மனுக்களை அளித்தவா்களிடம் நோ்காணல் செய்யப்படவுள்ளது. கட்சியின் அலுவலகமான எம்.ஜி.ஆா்., மாளிகையில் ஞாயிறு மற்றும் திங்கள் என இரண்டு நாள்கள் நோ்காணல் நடைபெறவுள்ளது.