ஏ.ஐ.தொழில்நுட்பத்தை கவனமுடன் பயன்படுத்த வேண்டும்: முன்னாள் நீதிபதி பி.என்.பிரகாஷ்

சென்னை: செயற்கை நுண்ணறிவு (ஏ.ஐ.) தொழில்நுட்பத்தை கவனத்துடன் பயன்படுத்த வேண்டும் என முன்னாள் நீதிபதி பி.என்.பிரகாஷ் தெரிவித்தாா். சென்னையை அடுத்த நங்கநல்லூரில் செயல்பட்டு வரும் பிரின்ஸ் ஸ்ரீவாரி சீனியா் செகண்டரி பள்ளியின் 11-ஆம் ஆண்டு விழா மற்றும் கல்வி ஊக்கத்தொகை வழங்கும் விழா பள்ளி வளாகத்தில் நடைபெற்றது.

பிரின்ஸ் கல்விக் குழுமங்களின் தலைவா் டாக்டா் கே.வாசுதேவன் தலைமையில் நடைபெற்ற இந்த விழாவில் சென்னை உயா்நீதிமன்ற முன்னாள் நீதிபதி பி.என்.பிரகாஷ் கலந்து கொண்டு பிளஸ் 2, 10-ஆம் வகுப்பு பொதுத்தோ்வுகளில் அதிக மதிப்பெண்கள் பெற்ற மாணவ, மாணவிகளுக்கு ரொக்க பரிசுகளையும், போட்டிகளில் வெற்றி பெற்ற மாணவா்களுக்கு பரிசு மற்றும் கோப்பைகள், சான்றிதழ்களையும் வழங்கினாா். தொடா்ந்து அவா் பேசியது: மதிப்பெண்களை காட்டிலும் மாணவனுக்கு ஒழுக்கம் மிக முக்கியம்.

இளைஞா்களின் எண்ணிக்கையில் அடுத்த 10 ஆண்டுகளில் இந்தியா முன்னிலையில் இருக்கும் என்பதால், குழந்தைகளை அறிவாற்றல் மிக்கவா்களாகவும் வளா்க்க நாம் உறுதுணையாக இருக்க வேண்டும். வேகமாக வளா்ந்து வரும் செயற்கை நுண்ணறிவு மனித சக்திக்கு இணையாக போட்டியிடும் அளவுக்கு வளா்ந்துள்ளது. அதே நேரம் மாணவா்கள் தவறான பாதையில் செல்லும் வாய்ப்பும் இதன் மூலம் அதிகமாகலாம்.

இதனால் தொழில்நுட்பங்களை கவனமாக பயன்படுத்த வேண்டும் என்றாா் அவா். இந்த விழாவில், பிரின்ஸ் கல்விக் குழுமங்களின் துணைத் தலைவா்கள் வா.விஷ்ணு காா்த்திக், பிரசன்னா வெங்கடேசன், பள்ளி தலைமை ஆசிரியை என்.சாமுண்டீஸ்வரி, கல்வி ஆலோசனை குழு உறுப்பினா்கள் வா.ரஞ்சனி, எஸ்.ரகு, எ.என்.சிவப்பிரகாசம், கே.பாா்த்தசாரதி, எம்.தருமன் உள்ளிட்ட பலா் கலந்து கொண்டனா்.