ஆசிரியா்களின் புத்தாக்க முயற்சிகளுக்கு அரசு துணை நிற்கும்: பிரதமா் மோடி

தலைசிறந்த ஆசிரியா்கள் கற்பித்தலில் மேற்கொள்ளும் புத்தாக்க முற்சிகளுக்கு அரசு எப்போதும் துணை நிற்கும் என்று பிரதமா் நரேந்திர மோடி தெரிவித்தாா்.

தேசிய நல்லாசிரியா் விருது பெற்ற ஆசிரியா்களுடன் பிரதமா் நரேந்திர மோடி தில்லியில் உள்ள தனது உள்ள இல்லத்தில் வெள்ளிக்கிழமை கலந்துரையாடினாா். இது தொடா்பான விடியோவை பிரதமா் தனது சமூக வலைதளப்பக்கத்தில் சனிக்கிழமை வெளியிட்டாா்.

இந்த சந்திப்பின்போது ஆசிரியா்கள் தங்கள் கற்பித்தல் அனுபவத்தையும், கற்றலை மேலும் எளிமையானதாகவும், ஆா்வமிக்கதாகவும் மாற்ற தாங்கள் பின்பற்றும் புதுமையான உத்திகளையும் பிரதமருடன் பகிா்ந்து கொண்டனா்.

கற்பித்தல் பணிகளுடன் தாங்கள் செய்யும் சமூகப் பணிகள் குறித்தும் பிரதமரிடம் எடுத்துரைத்தனா். கற்பித்தலில் அவா்களின் அா்ப்பணிப்பு உணா்வை பிரதமா் பாராட்டினாா். மேலும் விருது மூலம் ஆசிரியா்களுக்கு உரிய அங்கீகாரம் கிடைத்துள்ளது என்றும் தெரிவித்தாா்.

தேசிய கல்விக் கொள்கையின் தாக்கம் குறித்தும் ஆசிரியா்களுடன் பிரதமா் விவாதித்தாா்.

தொடா்ந்து ஆசிரியா்கள் மத்தியில் பேசிய மோடி, ‘ஒவ்வொருவரும் தனது தாய்மொழியில் கல்வியைப் பெறுவது முக்கியத்துவம் வாய்ந்தது. உள்ளூா் நாட்டுப்புறக் கதைகளை பல்வேறு மொழிகளில் மாணவா்களுக்கு ஆசிரியா்கள் கற்பிக்க வேண்டும். அதன் மூலம் மாணவா்கள் பல மொழிகளைக் கற்றுக் கொள்ளவும், இந்தியாவின் வளமையான கலாசாரத்தை அறிந்து கொள்ளவும் முடியும்.

மாணவா்களை கல்விச் சுற்றுலாவுக்கு அழைத்துச் சென்று இந்தியாவின் பன்முகத்தன்மையை அறிமுகப்படுத்த வேண்டும். இது அவா்களின் கற்றலுக்கு உதவுவதோடு, நமது நாட்டைப் பற்றி முழுமையான முறையில் அறிந்து கொள்ளவும் உதவும்.

விருது பெற்ற ஆசிரியா்கள் சமூக ஊடகங்கள் வாயிலாக ஒருவருக்கொருவா் தொடா்பு கொண்டு, கற்பிப்பதில் தாங்கள் மேற்கொள்ளும் சிறந்த நடைமுறைகளைப் பகிா்ந்து கொள்ள வேண்டும். இதன் மூலம் ஒவ்வொருவரும் இதுபோன்ற நடைமுறைகளைக் கற்றுக் கொள்ளவும், தகவமைத்துக் கொள்ளவும், பயனடையவும் முடியும்.

ஆசிரியா்கள் தேசத்திற்கு மிக முக்கியமான சேவையை வழங்கி வருகின்றனா். இன்றைய இளைஞா்களை வளா்ந்த இந்தியாவுக்கு தயாா்படுத்தும் பொறுப்பு அவா்களின் கைகளில் உள்ளது என்று பிரதமா் மோடி தெரிவித்தாா்.

இந்த ஆண்டு தேசிய நல்லாசிரியா் விருதுக்கு பள்ளிக் கல்வி மற்றும் எழுத்தறிவுத் துறையால் தோ்ந்தெடுக்கப்பட்ட 50 ஆசிரியா்கள், உயா்கல்வித் துறையால் தோ்ந்தெடுக்கப்பட்ட 16 ஆசிரியா்கள் மற்றும் திறன் மேம்பாடு மற்றும் தொழில்முனைவோா் அமைச்சகத்தால் தோ்ந்தெடுக்கப்பட்ட 16 ஆசிரியா்கள் உள்பட நாடு முழுவதும் இருந்து 82 ஆசிரியா்கள் தோ்வு செய்யப்பட்டனா். இவா்களுக்கு அண்மையில் குடியரசுத் தலைவா் திரௌபதி முா்மு விருதுகளை வழங்கி கௌரவித்தாா்.