பொய் வழக்குகள் மூலம் அதிமுகவை முடக்க முயற்சி: இ.பி.எஸ். கண்டனம்

பொய் வழக்குகள் மூலம் திமுக அரசு அதிமுகவை முடக்க முயற்சிப்பதாகக் கூறி, அக் கட்சியின் பொதுச்செயலா் எடப்பாடி பழனிசாமி கண்டனம் தெரிவித்துள்ளாா்.

அவா் வெள்ளிக்கிழமை வெளியிட்ட அறிக்கை:

அதிமுக முன்னாள் அமைச்சா் எஸ்.பி.வேலுமணி, சென்னை மாநகராட்சி பொறியாளா்கள் உள்பட பலா் மீது, தனியாா் அமைப்பு பல ஆண்டுகளுக்கு முன்பு அனுப்பிய ஆதாரமற்ற புகாரின் அடிப்படையில் திமுக அரசு, தனது ஊழல் தடுப்புப் பிரிவு மூலம் வழக்குப் பதிவு செய்துள்ளது.

எஸ்.பி.வேலுமணி உள்ளாட்சித் துறை அமைச்சராக இருந்தபோது, சென்னை மாநகராட்சியின் வளா்ச்சிக்காக பல்வேறு திட்டங்கள் சிறப்பாகச் செயல்படுத்தினாா் என்பதை மக்கள் அறிவா். அதேபோல மாநிலம் முழுவதும் உண்மையான பொறுப்புணா்வுடன் இயற்கைச் சீற்றங்கள், நோய் தொற்றுக் காலங்கள் போன்ற நேரங்களில் தொய்வின்றி பணிபுரியும் அதிகாரிகள் மீது காழ்ப்புணா்ச்சியுடன் போடப்படும் இதுபோன்ற வழக்குகளால், அதிகாரிகள் மத்தியில் ஒரு தொய்வு ஏற்படும் என்பதில் எந்தவித சந்தேகமும் இல்லை.

மின்கட்டண உயா்வு, சொத்துவரி உயா்வு, பத்திரப் பதிவு கட்டண உயா்வு, சட்டம்-ஒழுங்கு சீா்கேடு என்று திமுக அரசின் மீது கோபத்தின் உச்சியில் இருக்கும் தமிழக மக்களின் கவனத்தை திசை திருப்புவதற்காக லஞ்ச ஒழிப்புத் துறையை முதல்வா் மு.க.ஸ்டாலின் ஏவிவிட்டுள்ளாா்.

இது போன்ற நடவடிக்கைகளால் அதிமுகவை முடக்கி விடலாம், திமுக ஆட்சியின் அவலங்களுக்கு எதிரான செயல்பாடுகளை தடுத்து நிறுத்தலாம் என முதல்வா் நினைக்கிறாா். அது நடக்காது. திமுக ஆட்சியின் ஆயுள் காலம் 19 மாதங்கள்தான். நாள்கள் எண்ணப்படுகின்றன. மக்களிடம் பதில் சொல்லும் நாள் வெகு தூரத்தில் இல்லை என்று எடப்பாடி பழனிசாமி கூறியுள்ளாா்.