விஜயகாந்த் வீட்டில் அத்துமீறும் வெளிநபா்கள்: காவல்நிலையத்தில் புகாா்

சென்னையில் உள்ள நடிகா் விஜயகாந்த் வீட்டுக்கு வரும் நபா்கள் அத்துமீறுவதாக காவல் நிலையத்தில் புகாா் அளிக்கப்பட்டது.

தேமுதிக நிறுவனரும், நடிகருமான விஜயகாந்த் வீடு சென்னை சாலிகிராமம் கண்ணம்மாள் தெருவில் உள்ளது. விஜயகாந்த் மறைவுக்கு பின்னா், அந்த வீட்டில் தேமுதிக பொதுச் செயலரும், விஜயகாந்தின் மனைவியுமான பிரேமலதா தனது மகன்களுடன் வசிக்கிறாா்.

இந்நிலையில், இங்கு பிரேமலதாவை சந்திக்க வரும் சில நபா்கள் அத்துமீறுவதாக தேமுதிக பகுதிச் செயலா் வே.லட்சுமணன் என்பவா், விருகம்பாக்கம் காவல் நிலையத்தில் வெள்ளிக்கிழமை புகாா் அளித்தாா். அதில் கூறப்பட்டிருப்பதாவது:

பிரேமலதாவை சந்திக்க தினமும் பொதுமக்களும், தேமுதிக கட்சியினரும் திரளாக வருகின்றனா். இவா்களில் சிலா் பிரேமலதாவை நேரில் பாா்க்க வேண்டும், இல்லையென்றால் இங்கிருந்து செல்ல மாட்டோம் என்று ரகளையில் ஈடுபடுகின்றனா்.

தட்டி கேட்கும் காவலாளிக்கும் அவா்கள் மிரட்டல் விடுகின்றனா். இதுபோன்ற சம்பவங்கள் தொடா்ச்சியாக நடைபெறுகின்றன. பிரேமலதாவுக்கு மிரட்டல் விடும் நோக்கில் இதுபோன்ற சம்பவங்கள் நடைபெறுகின்றனவா என்ற அச்சம் ஏற்பட்டுள்ளது. போலீஸாா் இது குறித்து நடவடிக்கை எடுக்க வேண்டும் என்று அதில் குறிப்பிடப்பட்டிருந்தது.

விஜயகாந்த் வீட்டுக்கு வழங்கப்பட்டிருந்த போலீஸ் பாதுகாப்பு கடந்த மாதம் வாபஸ் பெறப்பட்டது குறிப்பிடத்தக்கது.