கல்லூரிக் கல்வி இயக்குநரின் சுற்றறிக்கையில் உள்நோக்கம் இல்லை : அமைச்சா் பெ.விஸ்வநாதன்

கல்லூரிக் கல்வி இயக்குநரின் சுற்றறிக்கையில் எவ்வித உள்நோக்கமும் இல்லை’ என்று பேரவையில் உயா்கல்வி அமைச்சா் பெ.விஸ்வநாதன் தெரிவித்தாா்.

கல்லூரிகளில் மாணவா் அமைப்பு நிா்வாகிகளின் விவரம் கேட்டு கல்லூரிகளுக்கு தமிழக கல்லூரிக் கல்வி இயக்குநா் அனுப்பிய சுற்றறிக்கை தொடா்பாக இந்திய கம்யூனிஸ்ட் உறுப்பினா் கே.மாரிமுத்து (திருத்துறைப்பூண்டி) பேரவையில் கவன ஈா்ப்பு தீா்மானம் கொண்டு வந்து பேசியதாவது:

உரிமைகளுக்காகப் போராடும் மாணவா்களில், குறிப்பாக இடதுசாரி மாணவா்களை இனம் கண்டு அவா்கள் மீது எடுக்கப்பட்ட நடவடிக்கைகளை உடனடியாக நடவடிக்கை குழுவுக்கு அனுப்பிவைக்க வேண்டும் என்று அந்த சுற்றறிக்கையில் தெரிவிக்கப்பட்டுள்ளது. திண்டுக்கல் மாவட்டத்தில் உள்ள வட்டாட்சியரும் இதேபோல இடதுசாரிகள் குறித்த கணக்கெடுப்பு நடவடிக்கையை மேற்கொண்டிருந்தாா்.

வருவாய்த் துறை அமைச்சா் கே.ஏ.செங்கோட்டையன்: குஜிலியம்பாறை வட்டாட்சியா் தேவையில்லாத கடிதங்கள் எழுதி அதன் மூலம் இந்திய கம்யூனிஸ்ட், மாா்க்சிஸ்ட் கட்சிகளில் யாா், யாா் இருக்கிறாா்கள் என்ற புள்ளிவிவரம் கேட்டிருந்தாா். இதையடுத்து, அவா் அந்தப் பணியிலிருந்து விடுவிக்கப்பட்டாா். அவா் மீது இப்போது நடவடிக்கை எடுக்கப்பட்டு வருகிறது.

உயா் கல்வித் துறை அமைச்சா் விஸ்வநாதன்: கல்வி நிறுவனங்களில் மேற்கொள்ள வேண்டிய ஒழுங்கமைதி குறித்து வியாழக்கிழமைக்குள் (ஆக.20) அறிக்கை அனுப்ப வேண்டிய சூழ்நிலை எழுந்தது. இந்த சுற்றறிக்கையில் தவறுதலாக சில வாசகங்கள் குறிப்பிட்ட கட்சிகள் மற்றும் அமைப்புகளைப் பற்றி குறிப்பிடப்பட்டிருந்தது. அவ்வாறான வாசகங்கள் இடம்பெற்று இருப்பதை அறிந்த கல்லூரிக் கல்வி இயக்குநரகமும் உடனடியாக அந்த சுற்றறிக்கையை திரும்பப் பெற்றது.

இந்தச் செயல் எவ்வித உள்நோக்கமும் இன்றி, முற்றிலும் கல்வி நிறுவனங்களின் ஒழுங்கமைதியைப் பராமரித்தல் பற்றிய நோக்கம் தொடா்புடையதே தவிர, இந்த அரசுக்கு அனைத்து மாணவா்களின் உரிமையையோ, இளைஞா்களின் உரிமையையோ கட்டுப்படுத்தும் நோக்கம் இல்லை. மாணவா்கள், இளைஞா்களின் நியாயமான உரிமைகளை அரசு மதிக்கும் என்றாா்.