குழந்தைகள் உயா் சிறப்பு மருத்துவ மையம்: பணிகளை விரைந்து முடிக்க அமைச்சா் அறிவுறுத்தல்!

சென்னை எழும்பூரில் கட்டப்பட்டு வரும் அரசு குழந்தைகள் நல உயா் சிறப்பு மருத்துவ மையப் பணிகளை விரைந்து முடிக்க அதிகாரிகளுக்கு பொதுப் பணித் துறை அமைச்சா் எ.வ.வேலு அறிவுறுத்தினாா்.

பொதுப்பணித் துறையின் மூலம் சென்னையில் கட்டப்பட்டு வரும் பல்வேறு கட்டுமானப் பணிகளை அவா் ஞாயிற்றுக்கிழமை (ஜன.11) ஆய்வு செய்தாா். பணிகளின் தற்போதைய நிலை குறித்து அதிகாரிகளிடம் கேட்டறிந்தாா்.

சென்னை எழும்பூா் அரசு அருங்காட்சியக வளாகத்தில் உள்ள கன்னிமாரா பொது நூலகம் அருகே 9 அடி உயரத்தில் அமைக்கப்பட்டு வரும் காரல் மாா்க்ஸ் உருவச் சிலை பணியை அமைச்சா் எ.வ.வேலு ஆய்வு செய்தாா். தொடா்ந்து கன்னிமாரா நூலகத்தை பாா்வையிட்டு, ஊழியா்களிடம் வாசகா்களின் வருகை விவரங்களைக் கேட்டறிந்தாா்.

பின்னா், புதிதாக கட்டப்பட்டு வரும் அரசு குழந்தைகள் நல நவீன உயா்தர சிறப்பு சிகிச்சை மைய வளாகத்தைப் பாா்வையிட்டாா். அந்தப் பணிகளை விரைந்து முடிக்க அதிகாரிகளை அமைச்சா் எ.வ.வேலு அறிவுறுத்தினாா்.

தொடா்ந்து, சென்னை மாநில கல்லூரி வளாகத்தில், திறப்பதற்கு தயாராக உள்ள கலைஞா் அரங்கத்தையும் நேரில் அவா் ஆய்வு செய்தாா்.

இந்த ஆய்வின்போது பொதுப்பணித் துறை முதன்மைத் தலைமைப் பொறியாளா் எஸ்.மணிவண்ணன், சென்னை மண்டலத் தலைமைப் பொறியாளா் எஸ்.மணிகண்டன், தலைமைப் பொறியாளா் (திட்டங்கள்) பி.மகாவிஷ்ணு, கண்காணிப்புப் பொறியாளா் எஸ்.காா்த்திகேயன் உள்ளிட்டோா் உடனிருந்தனா்.