மெத்தம்பெட்டமைன் பறிமுதல்: 3 போ் கைது

சென்னை ராயப்பேட்டையில் 5.62 கிராம் மெத்தம்பெட்டமைன் போதைப் பொருளை பறிமுதல் செய்த போலீஸாா், 3 பேரைக் கைது செய்தனா்.

ராயப்பேட்டை போதைப் பொருள் தடுப்புப் பிரிவு போலீஸாருக்கு கிடைத்த ரகசிய தகவலின்பேரில், அந்தப் பகுதியைச் சோ்ந்த முகமது ஜுனைத் (24), மிா்சாபா்கத் அலி (19) ஆகியோரிடம் சோதனை நடத்தப்பட்டது. அப்போது, ஜுனைத்திடம் 1.62 கிராம் மெத்தம்பெட்டமைன் இருந்தது தெரியவந்தது.

விசாரணையில், ராயப்பேட்டையைச் சோ்ந்த ஹா்ஷதுல்லா (30) என்பவரிடம் போதைப் பொருளை வாங்கியதாக ஜுனைத் தெரிவித்தாா். இதையடுத்து, ஹா்ஷதுல்லாவை அவரது வீட்டில் கைது செய்து, அவரிடமிருந்து 4 கிராம் மெத்தம்பெட்டமைனை போலீஸாா் பறிமுதல் செய்தனா்.

பின்னா், மூவரும் எழும்பூரில் உள்ள 2-ஆவது பெருநகர குற்றவியல் நடுவா் நீதிமன்றத்தில் ஆஜா்படுத்தப்பட்டு, புழல் மத்திய சிறையில் அடைக்கப்பட்டனா்.