குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

காப்பக மாற்றுத்திறனாளிகளுக்கான புதிய சேவைகளுக்கான வாகனங்கள்

நகா்ப்புற வீடற்றோா் காப்பகங்களில் தங்கியுள்ள மாற்றுத்திறனாளிகளுக்கான தொழில் வாய்ப்பை உருவாக்கும் வகையில் 2 சேவைகளுக்கான வாகனங்கள் வழங்கப்பட்டுள்ளன .

Updated On :

நகா்ப்புற வீடற்றோா் காப்பகங்களில் தங்கியுள்ள மாற்றுத்திறனாளிகளுக்கான தொழில் வாய்ப்பை உருவாக்கும் வகையில் 2 சேவைகளுக்கான வாகனங்கள் வழங்கப்பட்டுள்ளன .

சென்னை மாநகராட்சி அமைந்தகரை மற்றும் எழும்பூரில் சிறப்பு பிரிவாக நகா்ப்புற வீடற்றோா் காப்பகங்களில் 100-க்கும் மேற்பட்ட மாற்றுத்திறனாளிகள் தங்கியுள்ளனா். அவா்களுக்கு தொழில் பயிற்சியானது தனியாா் தொண்டு நிறுவனம் மூலம் அளிக்கப்பட்டுள்ளது. அதன்படி, வாகனங்களைச் சுத்தம் செய்தல், மளிகைப் பொருள்கள் விற்பனை ஆகிய பயிற்சிகள் ஏராளமானோருக்கு வழங்கப்பட்டுள்ளன. அத்துடன் பேண்டு வாத்தியம் இசைத்தல் பயிற்சியையும் மாற்றுத்திறனாளிகள் பெற்றுள்ளனா்.

இந்த நிலையில், அவா்கள் வீடுதோறும் சென்று வாகனங்களைச் சுத்தம் செய்யவும், குறிப்பிட்ட பகுதிகளில் மளிகைப் பொருள்கள் வைத்து விற்கவும் தேவையான வாகனங்கள் வழங்கும் நிகழ்ச்சி சென்னை மாநகராட்சி ரிப்பன் மாளிகை வளாகத்தில் புதன்கிழமை நடைபெற்றது.

நிகழ்ச்சியில் சென்னை மாவட்ட ஆட்சியா் மாலதி ஹெலன் கலந்து கொண்டு சேவைக்கான வாகனங்களை கொடியதைத்துத் தொடங்கிவைத்தாா். அத்துடன் மாற்றுத்திறனாளிக் குழந்தைகள் தயாரித்த பேக்கரி உணவுப் பொருள்கள் உள்ளிட்டவற்றை வாகனத்தில் காட்சிப் படுத்தியதையும் அவா் பாா்வையிட்டாா்.

இச்சேவை மூலம் மாற்றுத்திறனாளிகள் தொழில்முனைவோராகும் வாய்ப்பு வழங்கப்பட்டிருப்பதாக அதிகாரிகள் தெரிவித்தனா். நிகழ்ச்சியில் மாவட்ட மாற்றுத்திறனாளிகள் நல அலுவலா் சரவணக்குமாா், தலைமை சமுதாய வளா்ச்சி அலுவலா் ராஜ்குமாா் உள்ளிட்டோா் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.