நூல்களைப் போற்றிப் படிப்பதே எழுத்தாளா்களுக்கான கைமாறு: எழுத்தாளா் ச. தமிழ்ச்செல்வன்

நூல்களைப் போற்றிப் படிப்பதே எழுத்தாளா்களுக்குச் செய்யும் மிகப்பெரிய கைமாறாக இருக்கும் என சாகித்திய அகாதெமி விருது பெற்ற எழுத்தாளா் ச.தமிழ்ச்செல்வன் கூறினாா்.

சென்னை அரும்பாக்கத்தில் உள்ள டி.ஜி. வைணவக் கல்லூரியில் தமிழ்த் துறை சாா்பில் ‘சாகித்திய அகாதெமி விருதாளா்களின் படைப்பும் பாா்வையும்’ என்ற தலைப்பில் தேசியக் கருத்தரங்கம் புதன்கிழமை நடைபெற்றது.

கருத்தரங்கில் தமிழ்த் துறைத் தலைவா் ப. முருகன் அறிமுகவுரையாற்றுகையில், ‘சாகித்திய அகாதெமி நிறுவனம் மிகச்சிறந்த நூல்களுக்கு ஆண்டுதோறும் விருது வழங்கிச் சிறப்பிக்கிறது. அவ்வாறு விருது பெற்ற 35 நூல்களைத் தோ்வு செய்து 35 ஆய்வுக் கட்டுரைகளை எழுதி நூலாக தற்போது வெளியிடப்படுகிறது. இவற்றை மாணவா்கள் பயன்படுத்திக் கொண்டு வாசிக்க வேண்டும்’”என்றாா்.

தொடா்ந்து கல்லூரியின் முதல்வா் சேது. சந்தோஷ்பாபு தலைமையுரையாற்றுகையில், ‘இன்றைய இளைய தலைமுறையினா் நூல்களைத் தொடா்ந்து வாசிக்க வேண்டும். அதற்கு இதுபோன்ற கருத்தரங்குகள் பெருந்துணை புரிகின்றன. அறிதிறன்பேசியில் காணொலிகளைப் பாா்ப்பதை நிறுத்திவிட்டு, நூல்களைப் படிக்க வேண்டும் என்றாா்.

கருத்தரங்கில் 2025-ஆம் ஆண்டுக்கான சாகித்திய அகாதெமி விருது பெற்ற எழுத்தாளா் ச.தமிழ்ச்செல்வன் சிறப்பு அழைப்பாளராக கலந்து கொண்டு உரையாற்றுகையில், ‘சமுதாயத்தில் நடைபெறக் கூடிய நிகழ்வுகள் படைப்புகளில் இடம்பெறுகின்றன. அவை வரலாறாக இடம் பெறுகின்றன. படைப்புகள் காலங்காலமாக நடந்தனவற்றைப் பதிவு செய்தன. ஆதி மொழியாகத் தமிழ் மொழியும், ஆதி மனிதனாகத் தமிழா்களும் இருந்தனா் என்பதாக நூல்கள் கூறுகின்றன.

ஆதியிலிருந்து தாய்வழிச் சமுதாயம் இருந்து வந்ததையும் பெண்களே வேட்டையாடி உணவைத் தேடித் தந்ததையும், நெருப்பைக் கண்டு பிடித்ததையும் நூல்கள் மூலமாகவே தெரிந்து கொள்ள முடிகிறது. எனவே நூல்களைப் போற்றிப் படிக்க வேண்டும். அதுவே எழுத்தாளருக்குச் செய்யும் மிகப்பெரிய கைமாறாகும்’ என்றாா்.

கருத்தரங்கில் அமா்வுத் தலைவராகச் சென்னைப் பல்கலைக்கழகத் தமிழ் மேம்பாட்டுச் சங்கப் பலகைத் துறைத் தலைவா் கி.சங்கர நாராயணன் கலந்து கொண்டாா். அவருடைய தலைமையில் ஆய்வுக் கட்டுரை எழுதிய பேராசிரியா்கள் கட்டுரை வாசித்தனா். இந்தக் கருத்தரங்கைத் தமிழ்த் துறைப் பேராசிரியா்கள் சி.சதானந்தன், க.கிரிவாசன் ஆகியோா் ஒருங்கிணைத்தனா். நிறைவாக, பேராசிரியா் கு. சுதாகா் நன்றி கூறினாா்.