நாமக்கல், புதுக்கோட்டை மாவட்டங்களுக்கு வாக்குப் பதிவு இயந்திரங்கள் அனுப்பி வைப்பு

காஞ்சிபுரம்: காஞ்சிபுரத்தில் உள்ள மின்னணு வாக்குப் பதிவு இயந்திர கிடங்கிலிருந்து நாமக்கல், புதுக்கோட்டை மாவட்டங்களுக்கு தேவையான வாக்குப்பதிவு இயந்திரங்கள் செவ்வாய்க்கிழமை அனுப்பி வைக்கப்பட்டன. காஞ்சிபுரத்தில் செவிலிமேடு பகுதியில் மின்னணு வாக்குப் பதிவு இயந்திரங்கள் கிடங்கு உள்ளது.

இங்கிருந்து, திங்கள்கிழமை ஸ்ரீ பெரும்புதூா் தொகுதிக்கு 481, ஆலந்தூா் தொகுதிக்கு 438 இயந்திரங்கள் உட்பட மொத்தம் 919 கூடுதல் வாக்குப் பதிவு இயந்திரங்கள் அனுப்பி வைக்கப்பட்டன. இதைத் தொடா்ந்து, செவ்வாய்க்கிழமை புதுக்கோட்டைக்கு 1,280, நாமக்கல்லுக்கு 1,670 இயந்திரங்கள் உட்பட மொத்தம் 2,950 வாக்குப் பதிவு இயந்திரங்கள் பிரித்து அனுப்பி வைக்கப்பட்டன. இவை அனைத்தும் அங்கீகரிக்கப்பட்ட அரசியல் கட்சிப் பிரமுகா்கள் முன்னிலையில், காஞ்சிபுரம் மாவட்ட ஆட்சியரும், தோ்தல் அலுவலருமான கலைச்செல்வி மோகன் முன்னிலையில் அனுப்பி வைக்கப்பட்டன.

காஞ்சிபுரம் மாவட்ட வருவாய் அலுவலா் செ.வெங்கடேஷ், சென்னை கன்னியாகுமரி தொழில் வழித்தட திட்ட மாவட்ட வருவாய் அலுவலா் ராமமூா்த்தி, காஞ்சிபுரம் தோ்தல் பிரிவு வட்டாட்சியா் தாண்டவமூா்த்தி மற்றும் புதுக்கோட்டை, நாமக்கல் மாவட்டங்களில் பணிபுரியும் வட்டாட்சியா்கள், அரசு அலுவலா்கள் உள்ளிட்ட பலா் உடன் இருந்தனா்.