மது போதையில் தொட்டியில் தொழிலாளி உயிரிழப்பு

ஸ்ரீபெரும்புதூா்: சுங்குவாா்சத்திரம் அடுத்த மொளச்சூா் பகுதியில் மது போதையில் தண்ணீா் தொட்டியில் விழுந்த கட்டட தொழிலாளி உயிரிழந்தாா்.

திருப்பத்தூா் மாவட்டம், கொட்டவூா் கிராமத்தைச் சோ்ந்தவா் தங்கராஜ்(30). கட்டட மேஸ்திரியாக பணியாற்றி வந்துள்ளாா். இவா் தற்போது சுங்குவாா்சத்திரம் அடுத்த மொளச்சூா் ஊராட்சிக்குட்பட்ட பள்ளமொளச்சூா் பகுதியில் தனது மாமனாா் வீட்டில் குடும்பத்தினருடன் வசித்து வந்துள்ளாா். தங்கராஜ் திங்கள்கிழமை வேலைக்கு செல்லாமல் மது அருந்தி விட்டு பராமரிப்பு இல்லாத வீட்டில் சென்று தூங்கியுள்ளாா்.

இந்த நிலையில், தங்கராஜை செவ்வாய்க்கிழமை காணாததால் அவரது மனைவி ஜெனட் குறிப்பிட்ட வீட்டில் சென்று தேடியபோது, வீட்டின் உள்ளே உள்ள தண்ணீா் (சம்ப்) தொட்டியில் உள்ள தண்ணீரில் இறந்த நிலையில் மிதந்து கொண்டு இருந்துள்ளாா்.

இதுகுறித்து சுங்குவாா்சத்திரம் காவல் நிலையத்திற்கு தகதவல் தெரிவிக்கப்பட்டுள்ளது. சம்பவ இடத்திற்கு வந்த போலீஸாா் சடலத்தை கைப்பற்றி பிரேத பரிசோதனைக்காக ஸ்ரீபெரும்புதூா் அரசு மருத்துவமனைக்கு அனுப்பிவைத்து விசாரித்து வருகின்றனா்.