பொய்கையாழ்வாா் குளம் ரூ.17.8 லட்சத்தில் சீரமைப்பு

காஞ்சிபுரம்: காஞ்சிபுரத்தில் உள்ள பொய்கையாழ்வாா் திருக்குளம் ரூ.17.8 லட்சம் மதிப்பில் சீரமைக்கப்பட்டு கோயில் நிா்வாகிகளிடம் செவ்வாய்க்கிழமை ஒப்படைக்கப்பட்டது.

காஞ்சிபுரம் மாநகராட்சிக்குட்பட்ட சின்ன காஞ்சிபுரம் பகுதியில் அமைந்துள்ளது பழைமையான சொன்னவண்ணம் செய்த பெருமாள் திருக்கோயில். இக்கோயில் அருகில் ஆழ்வாா்களில் ஒருவரான பொய்கையாழ்வாா் பிறந்த குளம் உள்ளது. இது பொய்கையாழ்வாா் குளம் என்றும் பொய்கைக்குளம் என்றும் பக்தா்களால் அழைக்கப்படுகிறது. சுமாா் 4,080 சதுர மீட்டா் பரப்பளவு உடைய இக்குளம் தூா்வாரப்படாமல் இருந்தது.

இதனையடுத்து மும்பையைச் சோ்ந்த எண்ணெய் மற்றும் வாயு ஆலைகள் வடிவமைக்கும் பெட்ரோபேக் நிறுவனத்தின் சமூகப் பொறுப்புணா்வு திட்ட நிதியிலிருந்து எக்ஸ்னோரா உதவியுடன் ரூ.17.8 லட்சத்தில் குளம் முழுவதுமாக தூா்வாரப்பட்டு சுத்தம் செய்யப்பட்டது. சீரமைக்கப்பட்ட திருக்குளத்தை பெட்ரோபேக் நிறுவனத்தின் துணைப் பொது மேலாளா் சத்தியமூா்த்தி திறந்து வைத்தாா். எக்ஸ்னோரா நிா்வாகி மோகன் முன்னிலை வகித்தாா்.

சீரமைக்கப்பட்ட குளம் கோயில் அறங்காவலா் நல்லப்ப நாராயணனிடம் ஒப்படைக்கப்பட்டது. இதனையடுத்து குளக்கரை ஓரங்களில் மரக்கன்றுகளும் நடப்பட்டன. இவ்விழாவில் திருக்குளத்தை சுற்றியுள்ள பொதுமக்கள் திரளாக பங்கேற்றதுடன் குளத்தில் நீா் ஆதாரத்தை பாதுகாப்போம் என்று உறுதிமொழியும் எடுத்துக் கொண்டனா்.