தேசிய சிறந்த வடிவமைப்பாளா் விருது பெற காஞ்சிபுரம் நெசவாளா் தோ்வு

காஞ்சிபுரத்தைச் சோ்ந்த நெசவாளா் பாலசுப்பிரமணியன் சிறந்த வடிவமைப்பாளருக்கான தேசிய விருதுக்கு தோ்வு செய்யப்பட்டுள்ளாா்.

காஞ்சிபுரம் பிள்ளையாா் பாளையம் முத்தீஸ்வரா் சந்நிதி தெருவைச் சோ்ந்த பாலசுப்பிரமணியன்(54).

இவா் காஞ்சிபுரத்தில் கடந்த 30 ஆண்டுகளாக கைத்தறி நெசவுத்தொழில் செய்து வருகிறாா். நிகழாண்டுக்கான மத்திய அரசு வழங்கும் சிறந்த வடிவமைப்பாளருக்கான தேசிய விருதுக்கு தோ்வு செய்யப்பட்டுள்ளாா்.

வரும் ஆகஸ்ட் 7- ஆம் தேதி தில்லியில் நடைபெறும் விழாவில் இவருக்கு மத்திய அரசின் சாா்பில் தாமிர பட்டயம், பாராட்டுச் சான்றிதழ் மற்றும் ரூ.2 லட்சம் ஆகியன வழங்கப்படவுள்ளன. தமிழகத்துக்கும், காஞ்சிபுரம் மாவட்டத்துக்கும் பெருமை சோ்த்த இவருக்கு பலரும் வாழ்த்துகளை தெரிவித்து வருகின்றனா்.

இதுகுறித்து பாலசுப்பிரமணியன் கூறியது..

காஞ்சிபுரத்தில் செயல்பட்டு வரும் திருவள்ளுவா் கூட்டுறவு கைத்தறி சங்கமும், மத்திய அரசின் நெசவாளா் சேவை மையமும் இணைந்து நான் தொடா்ந்து 25 நாள்களுக்கும் மேலாக தயாரித்த கோா்வைப் புடவையை விருதுக்கான தோ்வுக்கு அனுப்பி வைத்தனா். என்னைப் போல 18 போ் தயாரித்த சேலைகள் அனுப்பி வைக்கப்பட்டதில் எனது பட்டுச்சேலைக்கு விருது கிடைத்திருப்பது பெருமையாக உள்ளது.

எனது தயாரிப்பில் காஞ்சிபுரத்தின் பாரம்பரியத்தை போற்றும் வகையில் சேலையின் உடல் கலரானது பேபி பிங்க் கலரிலும், சேலை முந்தி பெரிய கரையாகவும் அதில் யானை,மயில்,சக்கரம் மற்றும் தாழம்பு இழை போன்ற அம்சங்களை சோ்த்து தயாரித்ததால் எனக்கு விருது கிடைத்திருக்கிறது.

கடந்த 2015- ஆம் ஆண்டு எனது மனைவி பத்மாவுக்கு இதே போன்ற தேசிய விருது கிடைத்தது என பாலசுப்பிரமணியன் தெரிவித்தாா்.