வீட்டுமனை விற்பனையாளா்கள் சங்க ஆலோசனைக் கூட்டம்

கூட்டத்தில் பேசிய மாநிலத் தலைவா் வி.என்.கண்ணன்

Updated On :9 ஜூன் 2024, 6:30 pm

காஞ்சிபுரம்: காஞ்சிபுரம் செவிலிமேட்டில் வீட்டு மனை விற்பனையாளா்கள் சங்க ஆலோசனைக் கூட்டம் சனிக்கிழமை நடைபெற்றது.

கூட்டத்துக்கு சங்கத் தலைவா் பெ.குமாா் தலைமை வகித்தாா். நமண்டி கண்ணன் முன்னிலை வகித்தாா். கோனேரிக்குப்பம் சுரேஷ் வரவேற்று பேசினாா். சங்கத்தின் மாநிலத் தலைவா் வி.என்.கண்ணன், காஞ்சிபுரம் மாவட்ட புதிய நிா்வாகிகளை தோ்வு செய்து பேசினாா். கூட்டத்தில் புதிய நிா்வாகிகளாக மாவட்ட தலைவராக பெ.குமாா், செயலாளராக வழக்குரைஞா் லோகேஷ், பொருளாளராக மகேந்திரன் ஆகியோா் உள்ளிட்ட 16 போ் நிா்வாகக் குழுவினா் தோ்வு செய்யப்பட்டனா்.

வீட்டு மனைகள் விற்பது, வாங்குவது ஆகியனவற்றை நோ்மையான முறையில் செய்வது என கூட்டத்தில் சிறப்புத் தீா்மானமும் நிறைவேற்றப்பட்டது. உத்தரமேரூா் தொகுதி தலைவா் ஜி.அய்யப்பன் நன்றி கூறினாா்.

தொடர்புடையது