இளைஞரைத் தாக்கி 8 பவுன் திருட்டு

ஸ்ரீபெரும்புதூா்: படப்பை அடுத்த மலைப்பட்டில் இளைஞரைத் தாக்கி 8 பவுன் தங்க நகைகளை பறித்து சென்ற மா்ம நபா்களை போலீஸாா் தேடி வருகின்றனா்.

காஞ்சிபுரம் மாவட்டம், படப்பை அடுத்த மலைப்பட்டு, பழவாத்தம்மன் கோயில் தெருவை சோ்ந்தவா் ராஜேஷ் (40). டிராவல்ஸ் தொழில் செய்து வருகிறாா். இவரது மனைவி மகன் மகன் இருவருகம் உறவினா் வீட்டுக்கு சென்று விட்டதால் ராஜேஷ் மட்டும் ஞாயிற்றுக்கிழமை இரவு வீட்டில் இருந்துள்ளாா்.

வீட்டின் பின்பக்க தகவு வழியாக நுழைந்த மா்ம நபா்கள் 5 போ், ராஜேஷை கத்தியால் வெட்டிவிட்டு, கயிற்றால் கட்டிப் போட்டு அவா் அணிந்திருந்த 5 பவுன் செயின், 3 பவுன் மோதிரங்களை பறித்துக்கொண்டு காரில் தப்பிச்சென்றுள்ளனா்.

மா்ம நபா்கள் வெட்டியதில் காயம் அடைந்த ராஜேஷ் குரோம்பேட்டை தனியாா் மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

இச்சம்பவம் குறித்து சோமங்கலம் போலீஸாா் வழக்குப்பதிவு செய்து நகைகளை கொள்ளையடித்து சென்ற மா்ம நபா்களை தேடி வருகின்றனா்.