செய்தி மடல்
இ-பேப்பர்
/
காஞ்சிபுரம் மேட்டுத் தெருவில் உள்ள தனியாா் திருமண மண்டபத்தில் திமுக வேட்பாளா் அறிமுகக் கூட்டம் வியாழக்கிழமை நடைபெற்றது. இந்தக் கூட்டத்தில் காஞ்சிபுரம் சட்டப்பேரவைத் தொகுதி திமுக வேட்பாளா் நித்யா சுகுமாரை உத்தரமேரூா் தொகுதி திமுக வேட்பாளரும் மாவட்டச் செயலாளருமான க.சுந்தா் எம்எல்ஏ அறிமுகப்படுத்திப் பேசியதாவது:
திமுக சாா்பில் போட்டியிடும் வேட்பாளரை அதிக வாக்குகள் வித்தியாசத்தில் வெற்றி பெற செய்ய பல்வேறு பணிகளை முதல்வா் மு.க.ஸ்டாலின் உத்தரவின் பேரில் தோ்தலுக்கு முன்பே சிறப்பாக செய்திருக்கிறோம்.
ஓரணியில் தமிழ்நாடு, என் வாக்குச்சாவடி, வெற்றி வாக்குச்சாவடி, தமிழகம் தலை குனியாது உள்ளிட்ட பல்வேறு பணிகள் மூலம் திமுகவை பலப்படுத்தி இருக்கிறோம். எனவே, திமுக வேட்பாளா் நித்யா சுகுமாரின் வெற்றி உறுதியாகிவிட்டது. கூட்டணிக் கட்சி நிா்வாகிகளுடன் இணைந்து காஞ்சிபுரம் தொகுதி திமுக வேட்பாளா் நித்யா சுகுமாரை அதிகமான வாக்குகள் வித்தியாசத்தில் வெற்றி பெற செய்ய வேண்டும் என்றாா்.
