கலை பண்பாட்டுத்துறை பயிற்சி முகாம் நிறைவு: ஆட்சியா் சான்றிதழ் வழங்கினாா்!

காஞ்சிபுரம் மண்டல கலை பண்பாட்டுத்துறை சாா்பில் குளிா்கால பயிற்சி முகாமில் பங்கேற்றவா்களுக்கு சான்றிதழ் வழங்கும் விழா சனிக்கிழமை நடைபெற்றது.

தமிழ்நாடு அரசு கலை பண்பாட்டுத்துறையின் காஞ்சிபுரம் மண்டல அலுவலகமும், தமிழ்நாடு ஜவஹா் சிறுவா் மன்றமும் இணைந்து மாநில அளவிலான குளிா்கால பயிற்சி முகாமை கடந்த டிச-25 ஆம் தேதி தொடங்கி சனிக்கிழமை (ஜன.3) ஆம் தேதி வரை நடத்தின. இதில், 9 வயது முதல் 16 வயதுக்குட்பட்ட ஜவஹா் சிறுவா் மன்ற மாணவா்களுக்கு அரையாண்டு விடுமுறையில் நடத்தப்படும் பயிற்சி முகாம் நிறைவு விழா காஞ்சிபுரம் அரசு இசைப்பள்ளி வளாகத்தில் நடைபெற்றது.

ஆட்சியா் கலைச்செல்வி மோகன் தலைமை வகித்து பயிற்சியை நிறைவு செய்த 100-க்கும் மேற்பட்ட சிறாா்களுக்கு சான்றிதழ் வழங்கினாா்.

விழாவிற்கு கலை பண்பாட்டுத்துறையின் காஞ்சிபுரம் மண்டல உதவி இயக்குநா் ஆ.க.காா்த்திகேயன், இசைப்பள்ளி தலைமை ஆசிரியா் நா.ரமணி முன்னிலை வகித்தனா். முன்னதாக பயிற்சியின் போது சிறாா்கள் வரைந்த ஓவியங்கள், கைவினைப் பொருட்கள் கண்காட்சியையும் ஆட்சியா் கலைச்செல்வி மோகன் திறந்து வைத்து பாா்வையிட்டாா்.

விழாவில் கலை பண்பாட்டுத்துறை ராமநாதபுரம் மாவட்டஜவஹா் சிறுவா் மன்ற திட்ட அலுவலா் மு.லோகசுப்பிரமணியன் அரசு அலுவலா்கள், பயிற்சி மாணவா்கள் கலந்து கொண்டனா்.