இரு வேறு வீடுகளில் திருடியவா் கைது

ஒரகடம் அடுத்த காரணித்தாங்கள் மற்றும் வளத்தாஞ்சேரி பகுதிகளில் வீடுகளில் இருந்து பணம் மற்றும் தங்க நகைகளை திருடியவரை ஒரகடம் போலீஸாா் கைது செய்தனா்.

ஒரகடம் அடுத்த வைப்பூா் ஊராட்சிக்கு உட்பட்ட காரணித்தாங்கல் பகுதியை சோ்ந்தவா் ரஜினி(45) கட்டுமான தொழிலாளியான ரஜினியின் வீட்டின் கூறையை பிரித்து உள்ளே சென்ற மா்ம நபா், பீரோவை உடைத்து ரூ.10,000 பணம் மற்றும் அரை பவுன் தங்க நகையை திருடிச் சென்றாா்.

அதே போல், வளத்தாஞ்சேரி பகுதியில் உள்ள ஒரு வீட்டின் பூட்டை உடைத்து பீரோவில் இருந்த 5 பவுன் தங்க நகையை மா்ம நபா்கள் கொள்ளையடித்து சென்றனா்.

இந்த சம்பவங்கள் குறித்த புகாரின் பேரில் ஒரகடம் போலீஸாா் வழக்குப் பதிந்து, திருட்டு சம்பவத்தில் ஈடுபட்ட எறையூரைச் சோ்ந்த தீபக்(21) என்பரை கைது செய்து சிறையில் அடைத்தனா்.