96 நியாய விலைக் கடைகளில் மலிவு விலை வெங்காய விற்பனை: காஞ்சிபுரம் ஆட்சியா் ஆய்வு

காஞ்சிபுரம் மாவட்டத்தில் 96 நியாய விலைக் கடைகளில் வெங்காயம் கிலோ ரூ.35-க்கு விற்பனை செய்யப்படுவதை ஆட்சியா் தி.சினேகா ஆய்வு செய்தாா்.

வெளிச்சந்தையில் பெரிய வெங்காயத்தின் விலையை கட்டுப்படுத்தும் வகையில் முதல்வா் ஜோசப் விஜய் உத்தரவின் பேரில் கூட்டுறவுத்துறை மூலம் பெரிய வெங்காயம் கொள்முதல் செய்யப்பட்டு காஞ்சிபுரம் மாவட்டத்தில் உள்ள 96 நியாயவிலைக் கடைகளிலும் விநியோகம் செய்யப்பட்டு வருகிறது.

காஞ்சிபுரம் விளக்கொளிப் பெருமாள் கோயில் தெருவில் அமைந்துள்ள நியாயவிலைக் கடையில் வெங்காயம் விற்பனை செய்யப்படுவதை ஆட்சியா் தி.சினேகா ஆய்வு செய்தாா்.

காஞ்சிபுரம் மாவட்டத்திற்காக மொத்தம் 19 மெ.டன் பெரிய வெங்காயம் கொள்முதல் செய்யப்பட்டு மாவட்டத்தில் உள்ள அனைத்து நியாயவிலைக் கடைகளிலும் கிலோ ரூ.35-க்கு விநியோகம் செய்யப்படுகிறது.மொத்தம் 1,09,630 குடும்ப அட்டைதாரா்களுக்கு தலா ஒரு கிலோ வீதம் விநியோகம் செய்யப்படுவதாக ஆட்சியா் தி.சினேகா தெரிவித்தாா். இந்த ஆய்வின் போது கூட்டுறவு சங்க துணைப் பதிவாளா் (பொது விநியோகம்)பூபாலன் உட்பட அரசு அலுவலா்களும் உடன் இருந்தனா்.