லாரி மோதி அதிமுகவினா் இருவா் பலி

ஆற்காடு: திமிரியில் பைக் மீது லாரி மோதிய விபத்தில் அதிமுகவினா் இருவா் உயிரிழந்தனா்.

திமிரி மேற்கு ஒன்றிய அதிமுக செயலாளா் ந.வ. கிருஷ்ணன். இவரது மகன் செல்வகுமாா் (35) இவா் திமிரி மேற்கு ஒன்றிய அதிமுக தகவல் தொழில்நுட்ப பிரிவு தலைவராக உள்ளாா். அதே பகுதியைச் சோ்ந்தவா் கிஷோா் (எ) கிருஷ்ணகுமாா் (34) இவா் அதிமுக மாவட்ட வா்த்தகா் அணி இணை செயலாளராக உள்ளாா். நண்பா்களான இருவரும் ஆற்காட்டில் துணிக்கடைநடத்தி வந்துள்ளன. திமிரி பாத்திகாரன்பட்டி ஏரிக்கரை அருகே ஆற்காட்டிலிருந்து ஆரணி செல்லும் சாலையில் இவா்கள் பைக்கில் சென்றபோது எதிரே வந்த டிப்பா் லாரி மோதியதில் கிருஷ்ணகுமாா் சம்பவ இடத்திலேயே உயிரிழந்தாா் . பலத்த காயங்களுடன் மீட்கப்பட்ட செல்வகுமாா் வாலாஜா அரசு மருத்துவமனையில் உயிரிழந்தாா். இந்த விபத்து குறித்து திமிரி போலீஸாா் வழக்குப்பதிந்து விசாரணை நடத்தி வருகின்றனா்.