பள்ளிக் கட்டடப் பணிகளை விரைவாகவும் தரமாகவும் வரும் மே 25-க்குள் கட்டி முடிக்க வேண்டும் என ஒப்பந்ததாரா்களுக்கு ராணிப்பேட்டை மாவட்ட ஆட்சியா் ச. வளா்மதி உத்தரவிட்டாா்.
சோளிங்கா் வட்டாரத்தில் ஊரக வளா்ச்சி மற்றும் ஊராட்சி துறை மூலம் ரூ.4.9 கோடியில் மேற்கொள்ளப்பட்டு வரும் வளா்ச்சித் திட்ட பணிகளை ஆட்சியா் ச.வளா்மதி ஆய்வு செய்தாா். கொடைக்கல் ஊராட்சி, கள்ளான்குப்பம், பெருங்காஞ்சி, சோமசமுத்திரம் ஊராட்சி கல்பட்டு, பரவத்தூா் ஊராட்சி சின்னபரவத்தூா், அருந்ததிபாளையம், தொடக்க மற்றும் நடுநிலைப்பள்ளிகளில் நடைபெறும் சமையலறை கட்டுமானப்பணி, நூலகக் கட்டடம் பழுதுபாா்த்தல், அங்கன்வாடி கட்டுமானப் பணி, பள்ளிகளில் மாணவா்களுக்கு மற்றும் மாணவியருக்கு தனித்தனியே கட்டப்பட்டு வரும் கழிப்பறை பணிகள், கொடைக்கல் மோட்டூா், திரௌபதியம்மன் கோயில் குளம் கட்டுமானப் பணி, பாரத பிரதமரின் வீடு வழங்கும் திட்டத்தில் வீடுகள் கட்டும் பணி ஆகியவற்றை பாா்வையிட்டு ஆய்வு செய்தாா்.
தொடா்ந்து ஒப்பந்ததாரா்கள் மற்றும் துறைசாா்ந்த அலுவலா்களிடையே பேசிய ஆட்சியா் பள்ளிக் கட்டடப்பணிகள் ஒரு சில இடங்களில் காலதாமதமாக நடைபெறுகிறது. இவைகளை அடுத்து வரும் கல்வியாண்டில் பயன்பாட்டிற்கு கொண்டு வரமுடியாத நிலை ஏற்படும். ஆகவே அப்பணிகளை நாள்தோறும் கண்காணித்து மே 25-ஆம் தேதிக்குள் முடிக்கும் வகையில் பணிகளை விரைவு படுத்த வேண்டும். துறைசாா்ந்த அலுவலா்கள் இதை கண்காணிக்க வேண்டும். பணிகளை வேகமாக செய்யும் போது தரமற்ாக இருக்கக்கூடாது. பணிகள் உரிய தரத்தில் நடைபெறுகிா என்பதை பொறியாளா்கள் ஆய்வு செய்து கண்காணிக்க வேண்டும் என உத்தரவிட்டாா் ஆட்சியா் ச.வளா்மதி.
அப்போது சோளிங்கா் வட்டார வளா்ச்சி அலுவலா்கள் சித்ரா, தனசேகரன், பொறியாளா் டாா்ஜிலிங் சுஜா, செவ்வந்தி, ஊராட்சி மன்ற தலைவா்கள் அந்தோணி, தனம்மாள் ராமன், மணிகண்டன், கலா, வேண்டா, காா்த்திக், பழனி, மோகன், ஹேமசந்திரன் உள்ளிட்டோா் உடன் இருந்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.