செய்தி மடல்
இ-பேப்பர்
ஆஸ்கர் விருது வென்ற முதல் பெண் ஒளிப்பதிவாளர்! யார் இந்த ஆட்டம் டுரால்ட் அர்க்காபாவ்?
முதல்முறையாக ஒரு பெண் ஒளிப்பதிவாளர் ஆஸ்கர் விருது வென்றது குறித்து...
ஆஸ்கர் விருது வென்ற ஆட்டம் டுரால்ட் அர்க்காபாவ். - படம்: ஏபி
முதல்முறையாக ஒரு பெண் ஒளிப்பதிவாளர் ஆஸ்கர் விருது வென்றது திரைத்துறையில் பேசுபொருளாகியுள்ளது.
ரையன் கூக்லர் இயக்கிய சின்னர்ஸ் திரைப்படத்துக்கு ஒளிப்பதிவு செய்த ஆட்டம் டுரால்ட் அர்க்காபாவ் (Autumn Durald Arkapaw) ஒளிப்பதிவுக்கான சிறந்த ஆஸ்கர் விருதை முதல்முறையாக பெற்று அசத்தியுள்ளார்.
சின்னர்ஸ் திரைப்படம் கடந்தாண்டு ஏப் 18ஆம் தேதி வெளியானது. இந்தப் படத்தில் பெரும்பாலான காட்சிகள் இரவில் எடுக்கப்பட்டு இருந்தாலும் மிகவும் அற்புதமாக எடுத்திருப்பார்.
குறிப்பாக, நாயகன் அவரது காதலியை சந்திக்கும் இடங்களும் பார்டி நடக்கும் இடங்களையும் அற்புதமாகப் படம்பிடித்திருப்பார்.
இந்தப் படத்தினை ஐமேக்ஸ் மற்றும் அல்ட்ரா பானவிஷன் 70 ஃபார்மட்டில் எடுத்திருப்பார். இந்தப் படத்திற்கான காமிராவின் எடை 65 பவுன்ட்ஸ் (29 கிலோ) என்பதும் குறிப்பிடத்தக்கது.
அமெரிக்காவில், கலிஃபோர்னியாவில் பிறந்த ஆட்டம் டுரால்ட் அர்க்காபாவ், ஒளிப்பதிவிற்கான பாடத்தில் பட்டம் பெற்றுள்ளார்.
முதல்முறையாக 2013ல் வெளியான பாலோ ஆல்டோ படத்துக்கு ஒளிப்பதிவு செய்தார். ரையன் கூக்ளரின் பிளாக் பாந்தர் படத்துக்கும் இவர் ஒளிப்பதிவு செய்திருப்பது கவனிக்கத்தக்கது.
மிகப்பெரிய பட்ஜெட் படங்களில் பணியாற்ற விரும்பினாலும் சின்னர்ஸ் மாதிரியான கதைகள் கிடைத்தால் மட்டுமே பணியாற்றுவேன் என நேர்காணல் ஒன்றில் அர்க்காபாவ் கூறியுள்ளார்.
Summary
Autumn Cheyenne Durald Arkapaw is an American cinematographer work on the film Sinners, she became the first woman to win an Academy Award for Best Cinematography.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
