கன்டெய்னா் லாரி- பைக் மோதல்: உணவக பெண் ஊழியா் உயிரிழப்பு

காவேரிபாக்கம் அருகே கன்டெய்னா் லாரி -பைக் மோதிய விபத்தில் உணவக பெண் ஊழியா் உயிரிழந்தாா். மற்றொரு பெண் உள்பட இருவா் பலத்த காயமடைந்தனா்.

நெமிலி வட்டம், தா்மநீதி கிராமத்தைச் சோ்ந்தவா் லோகநாதன்(55). கூலித்தொழிலாளி. இவரது மனைவி பபிதா(46). இவா் காவேரிபாக்கத்தை அடுத்த வாணிசத்திரத்தில் உள்ள தனியாா் உணவகத்தில் பணியாற்றி வந்தாா். இவா்களது பக்கத்து வீட்டில் வசிப்பவா் சுஜாதா(46). இவரும் பபிதாவுடன் அதே உணவகத்தில் பணியாற்றி வந்தாராம். புதன்கிழமை லோகநாதன், தனது மனைவி பபிதா மற்றும் சுஜாதா ஆகியோரை பைக்கில் உணவகத்துக்கு பைக்கில் அழைத்துச் சென்றுள்ளாா்.

சிறுகரும்பூா் அருகே சென்னை - பெங்களூா் தேசிய நெடுஞ்சாலையில் பின்னால் வந்த கன்டெய்னா் லாரி மோதியதில் சம்பவ இடத்திலேயே சுஜாதா உயிரிழந்தாா். பபிதா,அவரது கணவா் லோகநாதன் இருவரும் பலத்த காயமடைந்து வாலாஜாபேட்டை அரசு மருத்துவமனையில் அனுமதிக்கப்பட்டனா். தொடா்ந்து தீவிர சிகிச்சைக்காக இருவரும் வேலூா் அடுக்கம்பாறை அரசு மருத்துவமனையில் அனுமதிக்கப்பட்டனா்.

இச்சம்பவம் குறித்து காவேரிபாக்கம் போலீஸாா் வழக்குப் பதிந்து விபத்தை ஏற்படுத்திய கன்டெய்னரை பறிமுதல் செய்து அதன் ஓட்டுநரை தேடி வருகின்றனா்.