செய்தி மடல்
இ-பேப்பர்
டிச 9 முதல் 27 வரை சென்னை - திருப்பதி விரைவு ரயில்கள் ரத்து
சென்னை- திருப்பதி இடையே இயக்கப்படும் சப்தகிரி விரைவு ரயில், திருப்பதி விரைவு ரயில் இரண்டும் முழுவதுமாக ரத்து செய்யப்படுவதாக தெற்கு ரயில்வே அறிவித்திருப்பது பற்றி....
கோப்புப்படம்
தென் மத்திய ரயில்வே குண்டக்கல் கோட்டம், ரேணிகுண்டா ரயில்நிலையத்தில் 48 நாள்கள் இருப்புப்பாதை பராமரிப்புப் பணிகள் நடைபெற இருப்பதால் வரும் டிசம்பா் 9 முதல் 27 வரை சென்னை- திருப்பதி இடையே இயக்கப்படும் சப்தகிரி விரைவு ரயில், திருப்பதி விரைவு ரயில் இரண்டும் முழுவதுமாக ரத்து செய்யப்படுவதாக தெற்கு ரயில்வே அறிவித்துள்ளது.
இதுதொடா்பாக தெற்கு ரயில்வே வெளியிட்ட செய்திக்குறிப்பு:
தென்மத்திய ரயில்வேயின் குண்டக்கல் கோட்டம், ரேணிகுண்டா ரயில் நிலையத்தில் பணிமனை பராமரிப்புப் பணிகள் மற்றும் இருப்புப்பாதை பராமரிப்புப் பணிகள் 48 நாள்கள் நடைபெற உள்ளதால் சென்னை திருப்பதி இடையே இயக்கப்படும் 16057 எண் கொண்ட சென்னை - திருப்பதி சப்தகிரி விரைவு ரயில், 16058 எண் கொண்ட திருப்பதி - சென்னை சப்தகிரி விரைவு ரயில், 16053 எண் கொண்ட சென்னை - திருப்பதி விரைவு ரயில், 16054 எண் கொண்ட திருப்பதி - சென்னை விரைவு ரயில் ஆகிய 4 ரயில்களும் சென்னை - திருப்பதி இடையே டிசம்பா் 9 முதல் 27 வரை முழுவதும் ரத்து செய்யப்படுகிறது.
இந்த ரயில்களுக்கு முன்பதிவு செய்துள்ள பயணிகளுக்கு இது குறித்த தகவல் அவா்களது கைபேசி மூலம் தெரிவிக்கப்படும் எனவும் தெரிவிக்கப்பட்டுள்ளது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.