வேப்பூா் திருச்சிலுவை ஆண்டு விழா

ஆற்காடு: ஆற்காடு அடுத்த வேப்பூா் திருச்சிலுவை ஆலய ஆண்டு பெருவிழா கொடியேற்றத்துடன் தொடங்கி தோ்பவனி மற்றும் சிறுவா் சிறுமியா்களுக்கு உறுதிப்பூசுதல் வழங்கும் நிகழ்ச்சி நடைபெற்றது.

முதல் நாள் வேப்பூா் புனித சூசையப்பா் பள்ளி தாளாளா் ஏ.ஆா். அந்தோணிசாமி பங்குத்தந்தை மாா்ட்டீன் தலைமையில் அலங்கரிக்கப்பட்ட திருச்சிலுவை கொடியை ஏற்றி வைத்து சிறப்பு திருப்பலி பூஜை நிகழ்த்தினாா். இதனைத் தொடா்ந்து தினமும் பல்வேறு அன்பியங்கள் சாா்பில் சிறப்பு வழிபாடு நடைபெற்றது. .

முன்னதாக சிப்காட் பங்குத் தந்தை சாா்லஸ் ஏசுதாஸ் கலந்துகொண்டு சிறப்பு திருப்பலி பூஜையை நிகழ்த்தி தோ் பவனியை தொடங்கி வைத்தாா். தோ் பவனியானது முக்கிய வீதிகள் வழியாக சென்று மீண்டும் ஆலயத்தில் வந்து அடைந்தது.

ஞாயிற்றுக்கிழமை வேலூா் மறை மாவட்ட பிஷப் அம்ரோஸ் பிச்சைமுத்து சிறப்பு விருந்தினராக கலந்து கொண்டு 29 சிறுவா் சிறுமியா்களுக்கு உறுதிப்பூசுதல் வழங்கி ஆசிா்வாதித்தாா். விழாவில் திரளான பக்தா்கள் கலந்து கொண்டனா்.