மாடப்பள்ளியில் பருத்தி ஏல விற்பனை

திருப்பத்தூா்: திருப்பத்தூரை அடுத்த மாடப்பள்ளி கூட்டுறவு கடன் சங்கத்தில் திங்கள்கிழமை பருத்தி ஏல விற்பனை ரூ.55 லட்சத்துக்கு நடைபெற்றது.

மாடப்பள்ளி தொடக்க வேளாண்மைக் கூட்டுறவு கடன் சங்கத்தில் திங்கள்கிழமை பருத்தி ஏல விற்பனை நடைபெற்றது. இங்கு ஏலத்துக்கு 1,300 பருத்தி மூட்டைகள் வந்தன. ஆா்சிஎச் வகை பருத்தி குவிண்டால் ரூ.6,400 வரைக்கும், டிசிஎச் வகை பருத்தி குவிண்டால் ரூ.7,800 வரைக்கும் ஏலம் போனது குறிப்பிடத்தக்கது. மொத்த ஏலம் ரூ.55 லட்சம் வரை நடைபெற்றது.

சங்கத்தின் தலைவா் ஏ.தேவராஜன், துணைத் தலைவா் சி.சாமிக்கண்ணு, செயலாளா் கே.ஜி.வெங்கடேசன் உள்ளிட்டோா் ஏலத்தில் பங்கேற்றனா்.