இருசக்கர வாகனத்திலிருந்து கீழே விழுந்த ஆசிரியை உயிரிழப்பு

ஆம்பூா்: ஆம்பூா் அருகே இருசக்கர வாகனத்தில் இருந்து கீழே விழுந்து காயமடைந்த ஆசிரியை செவ்வாய்க்கிழமை உயிரிழந்தாா்.

மோதகப்பள்ளி கிராமத்தை சோ்ந்த மஞ்சுளா (37) என்பவா் கதவாளம் ஊராட்சி ஒன்றிய நடுநிலைப்பள்ளியில் ஆசிரியையாக பணிபுரிந்து வந்தாா்.

ஆம்பூா் கன்னிகாபுரத்தில் உள்ள வித்ய விஹாா் பள்ளியில் எண்ணும் எழுத்தும் பயிற்சியில் கலந்து கொள்வதற்காக பள்ளியில் பணிபுரியும் மற்றொரு ஆசிரியா் ஸ்டாலின் என்பவரின் இருசக்கர வாகனத்தில் சென்றாா்.

பள்ளியிலிருந்து புறப்பட்ட சிறிது நேரத்திலேயே ஆசிரியை மஞ்சுளா திடீரென மயக்கமடைந்து இருசக்கர வாகனத்தில் இருந்து சாலையில் விழுந்தவா். தலையில் காயம் ஏற்பட்டு ஆம்பூா் புறவழிச் சாலையில் உள்ள தனியாா் மருத்துவமனையில் அனுமதிக்கப்பட்டு மேல் சிகிச்சைக்காக வேலூா் சிஎம்சி மருத்துவமனைக்கு கொண்டு செல்லும் வழியில் இறந்தாா். உமா்ஆபாத் போலீஸாா் வழக்குப் பதிவு செய்து விசாரணை நடத்தினா்.