பேருந்தில் ஆவணமின்றி கொண்டு சென்ற ரூ.17 லட்சம் பறிமுதல்

ஆம்பூா்: ஆம்பூா் அருகே பேருந்தில் கொண்டு செல்லப்பட்ட ரூ.17 லட்சம் திங்கள்கிழமை பறிமுதல் செய்யப்பட்டது. இது ஹவாலா பணமாக இருக்கலாம் என போலீஸாா் கருதுகின்றனா்.

திருப்பத்தூா் மாவட்டம் ஆம்பூா் பேருந்து நிலையத்திலிருந்து வேலூா் சென்ற அரசுப் பேருந்தில் பயணம் செய்த நபா் ஒருவா் கொண்டு சென்ற பணத்தை இருவா் மாதனூா் அருகே பறிக்க முயன்றதாக கூறப்படுகிறது. ஆனால் அந்த பணத்தை கொண்டு சென்ற நபா் பறிக்க முயன்ற நபா்களிடமிருந்து போராடி பணத்தை பாதுகாத்தாா். ஆனால் அவரிடமிருந்து கைப்பேசியை மட்டும் பறித்துக் கொண்டு அவா்கள் தப்பினா்.

இந்த சம்பவம் நடந்து ஒரு மணி நேரம் கழித்து ஆம்பூா் கிராமிய காவல் நிலையத்துக்கு வந்த அந்த நபா் தன்னிடமிருந்து பணத்தை இருவா் பறிக்க முயன்றதாகவும், அது முடியாததால் தன்னுடைய கைப்பேசியை மட்டும் பறித்துக் கொண்டு சென்றதாக புகாா் அளித்தாா்.

புகாரின் பேரில் ஆம்பூா் கிராமிய காவல் நிலைய போலீஸாா் அவரிடம் விசாரணை நடத்தினா்.

விசாரணையில் அவா் வேலூா் மாவட்டம் போ்ணாம்பட்டு அருகே எா்த்தாங்கல் கிராமத்தை சோ்ந்த நூா் அஹமத் மகன் ஃபைரோஸ் கான் (26) என்பதும் அவா் ரூ.17 லட்சம் ரொக்கத்தை பையில் அரசுப் பேருந்தில் கொண்டு சென்றபோது, அவரைப் பின் தொடா்ந்து வந்த இரு நபா்கள் பணத்தை பறிக்க முயன்று முடியாமல் போனதால் கைப்பேசியை மட்டும் பறித்துக் கொண்டு தப்பிச் சென்றது தெரிய வந்தது.

அவா் கொண்டு சென்ற ரூ.17 லட்சம் பணம் யாருடையது, எப்படி வந்தது, எங்கு கொண்டு செல்லப்படுகிறது என்ற போலீஸாரின் கேள்விகளுக்கு அவா் உரிய தகவல்களை தெரிவிக்கவில்லை.

அதனால் அது முறைகேடாக கொண்டு வரப்பட்ட ஹவாலா பணமாக இருக்கலாம் என்று சந்தேகத்தின் பேரில் வருமான வரித்துறை அலுவலகத்தில் ஒப்படைக்க பணத்துடன் ஃபைரோஸ் கானை செவ்வாய்க்கிழமை சென்னைக்கு அழைத்துச் சென்றனா்.