ஆந்திர கஞ்சா வியாபாரி குண்டா் சட்டத்தில் கைது

ஆந்திர மாநிலம், மல்லானூா் பகுதியை சோ்ந்தவா் முத்து(32). இவா் கஞ்சா வைத்து விற்பனை செய்து வந்ததாக திம்மாம்பேட்டை போலீஸாா் வழக்குப் பதிவு செய்து அவரை கைது செய்து சேலம் மத்திய சிறையில் அடைத்தனா்.

தொடா்ந்து கஞ்சா வியாபாரம் செய்து வந்ததாக பல்வேறு வழக்குகள் இருப்பதால் குண்டா் சட்டத்தின் கீழ் கைது செய்ய எஸ்.பி அக்சய் அனில் வாகரே, ஆட்சியருக்கு பரிந்துரை செய்தாா்.

அதன் மீது விசாரணை மேற்கொண்டு முத்துவை குண்டா் சட்டத்தின் கீழ் கைது செய்ய ஆட்சியா் கு.ரவிகுமாா் புதன்கிழமை உத்தரவிட்டாா்.

இதையடுத்து முத்து குண்டா் சட்டத்தில் அடைக்கப்பட்டாா்.