திருத்தணி முருகன் கோயிலில் பொது விருந்து 

திருத்தணி முருகன் கோயிலில் புதன்கிழமை நடைபெற்ற சுகந்திர தினவிழா பொது விருந்தில் அரக்கோணம் எம்.பி. கோ.அரி உள்பட 2,500 க்கும் மேற்பட்ட பக்தர்கள் கலந்துகொண்டனர்.
 அறுபடை வீடுகளில் 5 -ஆம் படைவீடாகத் திகழும் திருத்தணி முருகன் கோயிலில் ஆண்டு தோறும் சுதந்திர தினவிழாவில் சிறப்பு வழிபாடு மற்றும் பொது விருந்து நடைபெற்று வருகிறது. 
அதேபோல், 72-ஆவது சுதந்திர தினவிழாவை முன்னிட்டு முருகன் கோயிலில் மூலவர், உற்சவருக்கு சிறப்பு அபிஷேகம், அலங்காரம் செய்யப்பட்டு சிறப்பு வழிபாடு நடைபெற்றது. அதைத் தொடர்ந்து நடைபெற்ற பொது விருந்து நிகழ்ச்சிக்கு கோயில் இணை ஆணையர் செ.சிவாஜி தலைமை வகித்தார். கோயில் தக்கார் வே.ஜெயசங்கர் முன்னிலை வகித்தார். இதில்,  எம்.பி. கோ.அரி கலந்து கொண்டு பொது விருந்தை தொடங்கி வைத்தார்.இந்த விருந்தில் 2500 க்கும் மேற்பட்ட பக்தர்கள் கலந்துகொண்டனர். 
விழாவில் கோயில் நிர்வாகம் சார்பில் 500 பக்தர்களுக்கு இலவசமாக சேலை வழங்கப்பட்டது.  இதில், கோயில் அலுவலர்கள், உள்ளூர் முக்கிய பிரமுகர்கள் பலர் கலந்துகொண்டனர்.