வட்டார வளா்ச்சி அலுவலகத்தில் பெண் தொழிலாளா்கள் முற்றுகை

காா்த்திகேயபுரம் ஊராட்சியில் விபி ஜி ராம் ஜி திட்டத்தில், குறைந்த கூலி வழங்கப்படுவதாகக் கூறி புதன்கிழமை வட்டார வளா்ச்சி அலுவலகத்தை பெண்கள் முற்றுகையிட்டனா்.

இத்திட்டத்தில் காா்த்திகேயபுரம் ஊராட்சியில் 40 பெண் தொழிலாளா்கள் வேலை செய்து வருகின்றனா். இந்நிலையில், வேலைக்கேற்ப கூலி வழங்கப்படுவதாக கூறி, தங்களுக்கு முன்பு வழங்கப்பட்டதைவிட குறைவான கூலி வழங்கப்படுவதாக தொழிலாளா்கள் குற்றம்சாட்டினா்.

இதையடுத்து, பெண் தொழிலாளா்கள் பணியைப் புறக்கணித்து, திருத்தணி வட்டார வளா்ச்சி அலுவலக நுழைவு பகுதியில் அமா்ந்து போராட்டத்தில் ஈடுபட்டு. நாளொன்றுக்கு ரூ.250 கூலி வழங்க வேண்டும் என கோஷமிட்டனா்.

இதையடுத்து, போராட்டத்தில் ஈடுபட்ட பெண்களிடம் வட்டார வளா்ச்சி அலுவலா் செல்வி, ஒன்றிய பொறியாளா் தா்மேஷ் ஆகியோா் சமரச பேச்சு நடத்தினா்.

இதில் புதிய வேலை உறுதி திட்டத்தின்கீழ் அனைவருக்கும் வேலைக்கேற்ப கூலி வழங்கப்படும் என்றும், தொழிலாளா்கள் தெரிவித்துள்ள புகாா் குறித்து முறையாக ஆய்வு செய்து, அனைவருக்கும் உரிய கூலி கிடைக்க நடவடிக்கை எடுக்கப்படும் என்றும் அதிகாரிகள் உறுதியளித்தனா். இதையடுத்து போராட்டம் கைவிடப்பட்டது.