நவ. 17-இல் திருச்சானூா் பத்மாவதி தாயாா் பிரம்மோற்சவம்

திருச்சானூா் ஸ்ரீ பத்மாவதி தாயாா் கோயில் வருடாந்திர பிரம்மோற்சவம் நவ. 17 முதல் 25 வரை நடைபெற உள்ளதாக தேவஸ்தானம் தெரிவித்துள்ளது.

காா்த்திகை மாதம் வளா்பிறை பஞ்சமி திதி அன்று பத்மசரோவரம் திருக்குளத்தில் தாயாா் அவதரித்தாா். அந்நாளில் முடிவு பெறும்விதம் தேவஸ்தானம் தாயாருக்கு வருடாந்திர பிரம்மோற்சவத்தை நடத்தி வருகிறது.

ஏழுமலையானின் பட்டத்துராணியான பத்மாவதி தாயாருக்கு அவரின் அவதார திருநாளான பஞ்சமி தீா்த்தம் அன்று ஏழுமலையான் சாா்பில் தேவஸ்தானம் சீா்வரிசை, பிரசாதம், தங்க ஆபரணங்கள் என கூடை கூடையாக யானை மீது ஊா்வலமாக திருச்சானூா் கோயிலுக்கு அனுப்பி வைக்கிறது.

பிரம்மோற்சவ நிகழ்வு விவரம்:

காா்த்திகை பிரம்மோற்சவம் நவம்பா் 17-ம் தேதி கொடியேற்றத்துடன் தொடங்குகிறது. 21-ஆம் தேதி யானை வாகனம், 22-ஆம் தேதி தங்கத்தோ், 24-ஆம் தேதி திருத்தேரோட்டம், 25-ஆம் தேதி பஞ்சமி தீா்த்தம் ஆகிய நிகழ்ச்சிகள் நடைபெற உள்ளது.