விவசாயிகள் காத்திருப்புப் போராட்டம்

திருவண்ணாமலை மாவட்டத்தில் விளை நிலங்களில் உயர் மின் கோபுரங்கள் அமைப்பதற்கு எதிர்ப்புத் தெரிவித்து, 2-வது நாளாக செவ்வாய்க்கிழமையும் விவசாயிகள் காத்திருப்புப் போராட்டத்தில் ஈடுபட்டனர்.
தமிழ்நாடு மின் தொடரமைப்புக் கழகம், பவர் கிரிட் நிறுவனம் இணைந்து தமிழகத்தில் விளை நிலங்களில் உயர்மின் கோபுரங்களை அமைத்து வருகிறது. இதற்கு எதிர்ப்புத் தெரிவித்து விவசாயிகள் தொடர் போராட்டங்களில் ஈடுபட்டு வருகின்றனர். 
இதன் ஒரு பகுதியாக, திருவண்ணாமலை மாவட்டத்தில் நடைபெறும் உயர்மின் கோபுரங்கள் அமைக்கும் பணிக்கு எதிர்ப்புத் தெரிவித்து, தமிழ்நாடு விவசாயிகள் சங்கம் சார்பில் தொடர் காத்திருப்புப் போராட்டம் திங்கள்கிழமை தொடங்கியது.
திருவண்ணாமலை-திண்டிவனம் சலையில் நடைபெற்ற இந்த காத்திருப்புப் போராட்டம் தொடர்ந்து 2-வது நாளாக செவ்வாய்க்கிழமையும் நடைபெற்றது. ஏராளமான விவசாயிகள் கலந்து கொண்டு அரசுக்கு எதிரான கோஷங்கள் எழுப்பினர்.