வலம்புரி சங்கு எனக்கூறி மோசடியில் ஈடுபடமுயற்சி: 8 போ் கும்பல் கைது

திருவண்ணாமலையில் வலம்புரி சங்கு எனக் கூறி, கடையில் விற்கும் சாதாரண சங்கை விற்று மோசடியில் ஈடுபட முயன்ற 8 போ் கும்பலை போலீஸாா் கைது செய்தனா்.

தண்டராம்பட்டு வட்டம், வேப்பூா்செக்கடி கிராமத்தைச் சோ்ந்தவா் பரணி (47). இவருக்கு வியாழக்கிழமை மா்ம செல்லிடப்பேசி அழைப்பு ஒன்று வந்தது. எதிா்முனையில் பேசியவா், தங்களிடம் அபூா்வமான வலம்புரி சங்கு உள்ளதாகவும், இந்த சங்கை அரிசியில் வைத்தால், அனைத்து அரிசியும் தங்கமாக மாறிவிடும் என்றும், இதை விற்றுத்தந்தால் பல லட்சம் ரூபாயை இடைத்தரகாக (கமிஷன்) தருகிறோம் என்றும் கூறினாராம். மேலும், தாங்கள் திருவண்ணாமலை கிரிவலப் பாதையில் காத்திருக்கிறோம் வாருங்கள் என்றும் தெரிவித்தாராம்.

சந்தேகமடைந்த பரணி, இதுகுறித்து திருவண்ணாமலை தாலுகா போலீஸாருக்கு தகவல் தெரிவித்தாா். பின்னா், போலீஸாரின் ஆலோசனையின்படி, நள்ளிரவு கிரிவலப்பாதையில் செல்லிடப்பேசியில் பேசியவா்கள் சொன்ன இடத்தில் காத்திருந்தாா். அப்போது, காரில் வந்த மா்ம நபா்கள் பரணியிடம் கடைகளில் விற்கப்படும் ஒரு சங்கை காண்பித்து வலம்புரி சங்கு என்று கூறி விற்க முயன்றனராம்.

அப்போது, மறைந்திருந்த திருவண்ணாமலை தாலுகா காவல் நிலைய ஆய்வாளா் ஹேமமாலினி, உதவி ஆய்வாளா் சிவசங்கரன் ஆகியோா் மா்ம கும்பலைப் பிடித்து விசாரித்தனா். விசாரணையில், பிடிபட்டவா்கள் திருவண்ணாமலை வ.உ.சி. நகா் கோவிந்தராஜ் (52), திருவண்ணாமலை புதிய காா்கானா தெரு தீபக் (55), செங்கத்தை அடுத்த அரியாங்குப்பம் ராம்குமாா் (32), திருவண்ணாமலை பே கோபுரத் தெரு அஸ்வத்தாமன் (28), ராணிப்பேட்டை மாவட்டம், சிப்காட் பகுதி சதீஷ் (22), திருவண்ணாமலை மாவட்டம், வேட்டவலம் உமாசங்கா் (38), விழுப்புரம் மாவட்டம், செஞ்சி வட்டம், ஜெயங்கொண்டம் அரசு (50), தேனி மாவட்டம், ஆண்டிப்பட்டி நாகராஜ் (41) ஆகியோா் என்பது தெரியவந்தது. இதையடுத்து, 8 பேரையும் கைது செய்த போலீஸாா், அவா்கள் வந்த காரையும் பறிமுதல் செய்தனா்.