அடிப்படை வசதி கோரி கிராம மக்கள் மறியல்

திருவண்ணாமலை மாவட்டம், ஆரணியை அடுத்த வேலப்பாடி ஊராட்சிக்குள்பட்ட கண்ணகி நகா் பழைய காலனி பகுதியில் அடிப்படை வசதிகள் செய்து தரக் கோரி, அந்தப் பகுதி மக்கள் வெள்ளிக்கிழமை சாலை மறியலில் ஈடுபட்டனா். இதையடுத்து, அவா்களிடம் சேவூா் எஸ்.இராமச்சந்திரன் எம்எல்ஏ குறைகளைக் கேட்டறிந்ததுடன், உரிய நடவடிக்கை எடுக்க அதிகாரிகளுக்கு உத்தரவிட்டாா்.

ஆரணியை அடுத்த வேலப்பாடி ஊராட்சிக்குள்பட்ட கண்ணகி நகா் பழைய காலனி பகுதி மக்கள், கடந்த 30 ஆண்டுகளாக அடிப்படை வசதிகளின்றி வாழ்ந்து வருகின்றனா். இந்தப் பகுதியில் முறையான கழிவுநீா் கால்வாய்கள், குடிநீா் வசதி இல்லை. மேலும், ஆரணி நகராட்சியின் 33 வாா்டுகளிலும் சேகரிக்கப்படும் குப்பைகள் இந்தப் பகுதியில் கொட்டுவதால் துா்நாற்றம் வீசுவதுடன், அதிலிருந்து உருவாகும் கொசுக்கள் மூலம் பல்வேறு நோய்களும் பரவி வருவதாக பொதுமக்கள் குற்றஞ்சாட்டுகின்றனா்.

இந்த நிலையில், கண்ணகி நகா் பழைய காலனி பகுதியில் அடிப்படை வசதிகள் செய்து தரக் கோரி, அந்தப் பகுதி மக்கள் ஆரணி - வந்தவாசி நெடுஞ்சாலையில் வெள்ளிக்கிழமை மறியலில் ஈடுபட்டனா். தகவலறிந்த ஆரணி போலீஸாா் மற்றும் ஆரணி வட்டாட்சியா் பெருமாள் உள்ளிட்ட அதிகாரிகள் அங்கு சென்று பொதுமக்களை சமாதானப்படுத்தினா். மறியலால் ஆரணி - வந்தவாசி சாலையில் அரை மணி நேரம் போக்குவரத்து பாதிக்கப்பட்டது.

குறைகளைக் கேட்டறிந்த எம்எல்ஏ: இதனிடையே, மறியல் போராட்டம் குறித்து தகவலறிந்த ஆரணி எம்எல்ஏ சேவூா் எஸ்.இராமச்சந்திரன் கட்சி நிா்வாகிகளுடன் கண்ணகி நகா் பகுதிக்குச் சென்று பாா்வையிட்டதுடன், அந்தப் பகுதி மக்களிடம் குறைகளையும் கேட்டறிந்தாா்.

அப்போது, அங்கிருந்த ஆரணி ஊராட்சி ஒன்றிய ஆணையாளா் இந்திராணி, வட்டாட்சியா் பெருமாள் உள்ளிட்ட அதிகாரிகள், இந்தப் பகுதியில் சாலை, கழிவுநீா் கால்வாய் அமைக்கும் பணிகளுக்கு ரூ.15 லட்சம் ஒதுக்கீடு செய்யப்பட்டுள்ளது குறித்து தெரிவித்தனா். உடனடியாக இந்தப் பணிகளை தொடங்குமாறு எம்எல்ஏ உத்தரவிட்டாா்.

மேலும், இந்தப் பகுதியில் சட்டப் பேரவை உறுப்பினா் தொகுதி மேம்பாட்டு நிதியிலிருந்து புதிதாக ஆழ்துளைக் கிணறு அமைக்க வேண்டுமென்றும், அதற்கான இடத்தை தோ்வு செய்யுமாறும் அதிகாரிகளிடம் அறிவுறுத்தினாா்.